Lavanya Tripathi: గోల్డెన్ ఛాన్స్ దక్కించుకున్న హోమ్లీ హీరోయిన్

Lavanya Tripathi: హోమ్లీ నెస్ కి కేరాఫ్ అడ్రస్ గా ఉంటుంది హీరోయిన్ ‘లావణ్య త్రిపాఠి’. అందుకే, ఆమెకు స్టార్ హీరోయిన్ రేంజ్ లో ఛాన్స్ లు రాలేదు అని ఒక టాక్ ఉంది. అందుకే, ఇక లావణ్య త్రిపాఠి తన రూట్ మార్చాలని నిర్ణయం తీసుకుందని.. ట్రెండ్ కి తగ్గట్టు.. కాస్త బోల్డ్ క్యారెక్టర్స్ కూడా చేయాలని లావణ్య త్రిపాఠి ఫిక్స్ అయిందని ప్రచారం జరుగుతుంది. అసలు తానూ మంచి గ్లామర్ బ్యూటీని అని, అలాగే మంచి నటిని కూడా అని.. అయినా తనకు అవకాశాలు ఎందుకు ఇవ్వరు అని లావణ్య త్రిపాఠి బాగా ఫీల్ అవుతుందట.

నిజమే లావణ్య త్రిపాఠిలో హీరోయిన్ రేంజ్ గ్లామర్ ఉన్నా…ఇంకా చిన్నాచితకా సినిమాలకు మాత్రమే ఆమె పరిమితం అవ్వాల్సి వచ్చింది. ఆమె ఈ విషయంలో చాలా అసంతృప్తిగా ఉందట. నిజానికి లావణ్య త్రిపాఠి ఎప్పటినుంచో ఇండస్ట్రీలో ఉన్నప్పటికీ.. మొదటి నుంచి ఆమెకు స్టార్ హీరోల సినిమాల్లో చెప్పుకోదగ్గ ఆఫర్లు రాలేదు. ఒకటి రెండు సినిమాల్లో కాస్త గుర్తింపు ఉన్న హీరోల సినిమాల్లో ఆమె నటించినా అవేవీ ఆమె కెరీర్ కు ప్లస్ కాలేదు.

Also Read:  క్యాన్సర్‌ ను జయించిన తర్వాత ఎన్టీఆర్ సినిమాలో నటిస్తోన్న హీరోయిన్

కనీసం, ఇక నుండైనా తను మూవీస్ లో బిజీ కావాలని తెగ ఆరాట పడుతుంది లావణ్య. పైగా తనకు ఛాన్స్ లు ఇవ్వమని అడుగుతూ ‘నేను రష్మిక, పూజా ల కంటే బాగుంటాను కదా ?, వాళ్ళ కోసం రాసిన పాత్రలు నాకు ఇవ్వండి, నేను చేస్తాను’ అంటూ లావణ్య అందర్నీ రిక్వెస్ట్ చేస్తోందట. ఏది ఏమైనా లావణ్య బాధలో అర్థం ఉంది. ఆమె కంటే టాలెంట్ తక్కువ ఉన్న వారు కూడా టాప్ పొజిషన్ కి వెళ్తున్నారు.

కానీ, లావణ్య మాత్రం ఇంకా ఛాన్స్ ల కోసం వెతుక్కోవాల్సి వస్తోంది. అయితే, ఆ వెతుక్కునే క్రమంలో లావణ్య త్రిపాఠికి ఒక గోల్డెన్ ఛాన్స్ దక్కిందని టాక్ నడుస్తోంది. సూపర్ స్టార్ వంశీ పైడిపల్లి – తమిళ స్టార్ హీరో కలయికలో రానున్న పాన్ ఇండియా సినిమాలో ఒక సెకండ్ హీరోయిన్ పాత్ర ఉందట. కాగా మొదట ఈ పాత్ర కోసం రాశి ఖన్నాను తీసుకోవాలని ప్లాన్ చేశారు.

ఐతే, ఈ పాత్ర గురించి తెలుసుకున్న లావణ్య త్రిపాఠి, ఆ పాత్రను నేను చేస్తాను అంటూ వంశీ పైడిపల్లిను అప్రోచ్ అయింది. ఇక వంశీ పైడిపల్లి కూడా ఆమెకు ఆ పాత్ర ఇవ్వడానికి గ్రీన్ సిగ్నల్ ఇచ్చాడని తెలుస్తోంది.

Also Read: ఆగస్టు 12న రానున్న ఏజెంట్.. అఖిల్ కోరిక తీరుస్తాడా ?