Vijay Deverakonda scholarship : టాలీవుడ్ యూత్ ఆడియన్స్ లో మంచి క్రేజ్ ఉన్న యంగ్ హీరోల్లో ఒకరు విజయ్ దేవరకొండ. సినీ నటులు కేవలం సినిమాలు చేయడం , అభిమానులను ఎంటర్టైన్ చేయడం మాత్రమే కాదు, సామజిక స్పృహ ఇసుమంతైనా ఉండాలి అని చాటి చెప్పే హీరోల్లో ఈయన కూడా ఒకడు. సమయం దొరికినప్పుడల్లా , తనకు తోచిన విధంగా సహాయాలు చేయడం విజయ్ దేవరకొండ హాబీ. హీరోయిన్ రష్మిక తో పెళ్ళైన తర్వాత , ఆయన తన స్వగ్రామానికి వెళ్లి , అత్యధిక మార్కులు సాధించి టాపర్స్ గా నిల్చిన విద్యార్థులకు తమ ‘దేవరకొండ’ ఫౌండేషన్ ద్వారా స్కాలర్ షిప్స్ ఇవ్వాలనేది తన కోరిక అని ఒక సంచలన ప్రకటన చేసిన సంగతి తెలిసిందే. తన చిరాకాల కోరిక ని విజయ్ దేవరకొండ నేడు తీర్చున్నాడు. ఈ విషయం గురించి ఆయనపై సోషల్ మీడియా లో ప్రశంసల వర్షం కురుస్తోంది.
నేడు ఆయన రష్మిక తో కలిసి తన తండ్రి స్వగ్రామం , నాగర్ కర్నూల్ జిల్లా, అచ్చం పీత నియోజకవర్గం లోని తుమ్మన్ పేటకు విచ్చేశాడు. ఫిబ్రవరి లో రష్మిక తో కలిసి వచ్చి ప్రకటించిన తన ‘చిన్ననాటి కల’ ని నెరవేర్చుకున్నాడు. అచ్చం పేట మండలానికి చెందిన ప్రభుత్వ పాఠశాలల్లో 9 , 10 తరగతులు చదువుతూ , అత్యుత్తమ ప్రతిభ కనబర్చిన 180 మంది విద్యార్థులకు భారీ స్కాలర్ షిప్స్ ని విజయ్ దేవరకొండ ప్రకటించాడు. కష్టపడి చదివి తమ తల్లిదండ్రుల పేరుని నిలబెట్టిన 180 మంది విద్యార్థుల వివరాలను ముందుగా తన సోషల్ మీడియా ద్వారా జాబితా ని విడుదల చేశాడు. వాళ్లకు కావాల్సినంత గుర్తింపు ని తీసుకొని రావడం లో ఆయన వంతు పాత్ర పోషించాడు. కేవలం అచ్చం పేట మాత్రమే కాదు , రాబోయే రోజుల్లో తెలంగాణ వ్యాప్తంగా టాపర్స్ కి తమ ‘దేవరకొండ ఫౌండేషన్’ ద్వారా స్కాలర్ షిప్స్ అందించడమే తన లక్ష్యమని ఈ సందర్భంగా చెప్పుకొచ్చాడు విజయ్ దేవరకొండ.
ఇంకా ఆయన ఏమేమి మాట్లాడాడో ఈ క్రింది వీడియో లో చూడండి. సినీ రంగం లో తన ఎదుగుదల తో పాటు , ప్రతిభ ఉన్న విద్యార్థులను కూడా గుర్తించడం ద్యేయంగా పెట్టుకున్న విజయ్ దేవరకొండ మంచి మనస్సు కి నెటిజెన్స్ ఫిదా అయిపోయారు. భవిష్యత్తులో ఆయనకు ఇంకా మంచి కార్యక్రమాలను తలపెట్టేంత శక్తి ఆ దేవుడు ఇవ్వాలని కోరుకుంటూ పోస్టులు పెడుతున్నారు. ఇక సినిమాల విషయానికి వస్తే , విజయ్ దేవరకొండ ప్రస్తుతం ‘రణబలి’, ‘రౌడీ జనార్ధన’ అనే సినిమాలు చేస్తున్నాడు. ఈ రెండు చిత్రాలకు సంబంధించిన గ్లింప్స్ వీడియోలు ఇప్పటికే సోషల్ మీడియా లో విడుదలై మంచి రెస్పాన్స్ ని సొంతం చేసుకున్నాయి. వరుస డిజాస్టర్ ఫ్లాప్స్ లో ఉన్న విజయ్ దేవరకొండ, ఈ రెండు సినిమాలతో భారీ కం బ్యాక్ ఇస్తాడని అభిమానులు గట్టిగా ఆశిస్తున్నారు.
