కరోనా మహమ్మారి కారణంగా కేంద్ర ప్రభుత్వం సీబీఎస్ ఈ 12వ తరగతి పరీక్షలను రద్దు చేసినట్లు ప్రకటించిన మరుసటి రోజే ఒక్కో రాష్ట్రం తమ స్టేట్ బోర్టుల పరిధిలోని పరీక్షలను కూడా రద్దు చేస్తున్నాయి. ఇప్పటికే గుజరాత్ ప్రభుత్వం 12వ తరగతి పరీక్షలను రద్దు చేయగా తాజాగా మధ్యప్రదేశ్ ప్రభుత్వం కూడా అదే నిర్ణయం తీసుకుంది. రాష్ట్రంలో 12వ తరగతి పరీక్షలను రద్దు చేస్తున్నామని స్వయంగా ముఖ్యమంత్రి శివరాజ్ సింగ్ చౌహాన్ ప్రకటించారు.
