RCB vs CSK: ఐపీఎల్ జరుగుతున్నప్పుడు.. ఏదైనా జట్టు భారీగా పరుగులు చేస్తే కొత్త రికార్డు సాధ్యమవుతుంది. ఒక ఆటగాడు భారీగా పరుగులు చేస్తే లేదా భారీగా వికెట్లు పడగొడితే.. సరికొత్త ఘనత లిఖితమవుతుంది. కానీ, ఈ రెండు జట్లు వాడితే.. ప్రపంచ వ్యాప్తంగా సేవలందించే గూగుల్ మోతెక్కిపోయింది.. సరికొత్త రికార్డు సాధ్యమైంది.
ఇండియన్ ప్రీమియర్ లీగ్ లో చిరకాల ప్రత్యర్ధులుగా బెంగళూరు, చెన్నై జట్లు కొనసాగుతున్నాయి. ఈ రెండు జట్ల మధ్య పోటీని ఆటగాళ్లు మాత్రమే కాకుండా.. అభిమానులు కూడా విపరీతంగా ఆస్వాదిస్తూ ఉంటారు. గతంలో చెన్నై జట్టు బెంగళూరు మీద సంపూర్ణ ఆధిపత్యాన్ని ప్రదర్శించేది. ఇటీవల కాలంలో బెంగళూరు జట్టు గట్టిగా పోరాడుతోంది. పోరాడితే పోయేదేమీ లేదు అన్నట్టుగా ఆడుతోంది. ఫలితంగా చెన్నై జట్టు మీద విజయాలు సాధిస్తోంది.
గత సీజన్లో చెన్నై జట్టు మీద బెంగళూరు విజయాలు సాధించింది. ఈ ఏడాది కూడా అదే పరంపరను కొనసాగిస్తుంది. ఇటీవలి మ్యాచ్లో బెంగళూరు చెన్నై మీద విజయం సాధించింది. ముందుగా బ్యాటింగ్ చేసి 250 పరుగులు చేసింది. ఆ తర్వాత చెన్నై జట్టును లక్ష్యానికి దూరంగానే ఉంచేసింది. బ్యాటింగ్లో అదరగొట్టిన బెంగళూరు.. బౌలింగ్లో కూడా అదే ధోరణి కొనసాగించింది.
బెంగళూరు, చెన్నై జట్ల మధ్య జరిగిన మ్యాచ్ అభిమానులకు మాత్రమే కాదు.. గూగుల్ కు కూడా విపరీతంగా ఆదాయాన్ని తీసుకొచ్చింది.. మన దేశవ్యాప్తంగా అత్యధికంగా సెర్చింగ్ జాబితాలో ఈ మ్యాచ్ నిలిచింది. మొత్తంగా ఐదు మిలియన్ ప్లస్ సెర్చెస్ తో ఈ మ్యాచ్ రికార్డ్ సృష్టించింది.
బెంగళూరు, చెన్నై జట్ల మధ్య జరిగే మ్యాచ్లో ఎవరు గెలుస్తారు? ఎవరు ఎక్కువ పరుగులు చేస్తారు? ఎవరు ఎక్కువ వికెట్లు తీస్తారు? ఏ స్థాయిలో పరుగులు నమోదు అవుతాయి? ఏ జట్టు ముందుగా బ్యాటింగ్ చేస్తుంది? విరాట్ కోహ్లీ సెంచరీ చేస్తాడా? మాత్రే మెరుపు వేగంతో పరుగులు తీస్తాడా? అనే ప్రశ్నలను గూగుల్ లో అభిమానులు సెర్చ్ చేశారు..
అయితే ఈ మ్యాచ్లో బెంగళూరు గెలిచిన తర్వాత.. ఆ జట్టు అభిమానుల ఆనందానికి అవధులు లేకుండా పోయాయి. ముఖ్యంగా ఓ బెంగళూరు మహిళా అభిమాని చెన్నై అభిమాని ఉద్దేశించి చేసిన రచ్చ సోషల్ మీడియాను షేక్ చేసింది. ఆ వీడియో ఇప్పటికి విపరీతంగా సర్కులేట్లో ఉంది. తదుపరి మ్యాచ్లో ఒకవేళ చెన్నై గెలిస్తే బెంగళూరుకు ఇంతకంటే ఎక్కువ ట్రీట్మెంట్ ఉంటుందని ఎల్లో ఆర్మీ అభిమానులు సోషల్ మీడియాలో వ్యాఖ్యానిస్తున్నారు.
