Khalistan activities in Australia : ఆస్ట్రేలియా.. ఇటీవలే ఆ దేశంలో తండ్రీ కొడుకులైన ఇద్దరు ఉగ్రవాదులు పర్యాటకులపై విచక్షణారహితంగా కాల్పులు జరిపారు. ఇందులో 15 మంది మరణించారు. కాల్పులు జరిపిన ఇద్దరిలో ఒకరిని పోలీసులు కాల్చి చంపేశారు. ఇక తాజాగా సిక్కు వేర్పాటు వాద సంస్థ అయిన ఖలిస్తాన్కు చెందిన కొంత మంది ఆస్ట్రేలియాలోని మెల్బోర్న్లో భారత జాతీయ పతాకాన్ని కత్తితో చీల్చారు. భారత్ వ్యతిరేక ఖలిస్తాన్ అనుకూల నినాదాలు చేశారు. దీనికి సంబంధించిన వీడియో సోషల్ మీడియాలో వైరల్ అవుతోంది.
సిక్కు వేర్పాటు వాదం కోసం..
ఖలిస్తాన్ సంస్థ మొన్నటి వరకు కెనడా కేంద్రంగానే ఇలాంటి భారత వ్యతిరేక కార్యకలాపాలు నిర్వహించింది. కెనడా మాజీ ప్రధాని ట్రూడో ప్రభుత్వం కూడా వారికి అండగా నిలిచింది. ఇప్పుడు ఖలిస్తాన్ ఆస్ట్రేలియాలో భారత వ్యతిరేక నినాదాలు చేయడం ఆందోళన కలిగిస్తోంది. ఇప్పటికే హమాస్ అనుకూల ఉగ్రవాదులు ఆస్ట్రేలియాలో పెరిగారు. తాజాగా ఖలిస్తాన్ మద్దతుదారుల ఆందోళన కలకలం రూపింది. భారత్లో సిక్కు వేర్పాటు వాదమే లక్ష్యంగా ఖలిస్తాన్ పనిచేస్తోంది. ఖలిస్తాన్ దేశం కావాలని డిమాండ్ చేస్తోంది.
భారతీయ సమాజంపై ప్రభావం
ఈ ఘటన ఆస్ట్రేలియాలోని భారతీయ కమ్యూనిటీలో విభజనలను పెంచుతోంది. ఒక వర్గం దేశభక్తి ప్రదర్శిస్తుంటే, మరొక వర్గం విదేశీ ఆధారాలతో వ్యతిరేకత చూపుతోంది. ఇది భవిష్యత్ ఎన్నికలు, సామాజిక సంబంధాలపై దీర్ఘకాల ప్రభావం చూపనుంది. భారత ప్రభుత్వం దౌత్య మార్గాల ద్వారా స్పందించాల్సిన అవసరం ఏర్పడింది.
ఆస్ట్రేలియా వంటి దేశాల్లో భారతీయ వ్యతిరేక ప్రభావం పెరుగుతున్న సమయంలో, ఇలాంటి సంఘటనలు ద్వైపాక్షిక సంబంధాలను ప్రభావితం చేయవచ్చు. విదేశీ భూమిపై జరిగిన ఈ ప్రదర్శనలు భారత్ విధానాలను అంతర్జాతీయ స్థాయిలో సవాలు చేస్తాయి. ఐక్యత కాపాడుకోవడానికి కమ్యూనిటీలు చర్చలు ప్రారంభించాలి. ఆస్ట్రేలియా అధికారులు సామాజిక సామరస్యాన్ని కాపాడటానికి జాగ్రత్తలు తీసుకోవాలి.
Melbourne, Australia
Indians are holding the flag of a made up country in India and expressing hatred toward India. pic.twitter.com/vyAGfzrn0p
— Nate (@CelticAshes) December 25, 2025
