Karuppu Closing Collections : కొంతమంది హీరోల కం బ్యాక్ చరిత్రలో ఎప్పటికీ నిలిచిపోతుంది. అలా చరిత్రలో నిల్చిపోయిన కం బ్యాక్స్ లో ఒకటి పవర్ స్టార్ పవన్ కళ్యాణ్ కం బ్యాక్. వరుస డిజాస్టర్ ఫ్లాప్స్ తో డీలాపడిన పవన్ కళ్యాణ్ , ‘గబ్బర్ సింగ్’ చిత్రం తో ఎలాంటి సెన్సేషనల్ బ్లాక్ బస్టర్ ని అందుకున్నాడో ప్రత్యేకించి చెప్పనవసరం లేదు. అప్పటి వరకు ఇండస్ట్రీ లో ఉన్నటువంటి రికార్డ్స్ అన్నిటిని బద్దలు కొట్టి , ఆల్ టీం ఇండస్ట్రీ హిట్ గా నిల్చింది ఈ చిత్రం. ఇలాంటి కం బ్యాక్ ని మళ్లీ చూడలేమని అంతా అనుకున్నారు. కానీ 14 ఏళ్ళ తర్వాత అలాంటి కం బ్యాక్ ఇచ్చి అందరినీ సర్ప్రైజ్ కి గురి చేశాడు తమిళ హీరో సూర్య. ఆయన నటించిన లేటెస్ట్ చిత్రం ‘కరుప్పు’ ఎంతటి సెన్సేషనల్ బ్లాక్ బస్టర్ అనేది ప్రత్యేకించి చెప్పనవసరం లేదు.
ఎలాంటి అంచనాలు లేకుండా విడుదలైన ఈ చిత్రం , బాక్స్ ఆఫీస్ వద్ద తిరుగులేని బ్లాక్ బస్టర్ గా నిలిచి 300 కోట్ల రూపాయలకు పైగా గ్రాస్ వసూళ్లను రాబట్టి సంచలనం సృష్టించింది. అలాంటి సినిమా థియేట్రికల్ రన్ దాదాపుగా ముగిసే స్థాయికి వచ్చేసింది. ఈ సినిమా ఈ నెల 12 నుండి అమెజాన్ ప్రైమ్ వీడియో లో తెలుగు , తమిళం , హిందీ , మలయాళం మరియు కన్నడ భాషల్లో అందుబాటులోకి రానుంది. అయితే క్లోజింగ్ లో ఈ చిత్రం ప్రాంతాల వారీగా ఎంత గ్రాస్ వసూళ్లను రాబట్టిందో ఒకసారి చూద్దాం. ఒక్క తమిళనాడు ప్రాంతం నుండే ఈ చిత్రానికి 156 కోట్ల రూపాయలకు పైగా గ్రాస్ వసూళ్లు వచ్చాయి. ఒక్క సూపర్ స్టార్ రజినీకాంత్ , విజయ్ , అజిత్ లకు మాత్రమే ఇప్పటి వరకు ఈ రేంజ్ వసూళ్లు వచ్చాయి.
ఇప్పుడు వాళ్ళ స్థానం లోకి చేరిపోయాడు సూర్య. అదే విధంగా తెలుగు రాష్ట్రాల్లో ఈ చిత్రానికి 33 కోట్ల రూపాయలకు పైగా గ్రాస్ వసూళ్లు నమోదు అయ్యాయి. సూర్య సినిమాకు ఈ రేంజ్ వసూళ్లు చూసి ఎన్ని రోజులైందో. అదే విధంగా కర్ణాటక రాష్ట్రము నుండి 23 కోట్ల రూపాయిల గ్రాస్ వసూళ్లను రాబట్టిన ఈ సినిమా, కేరళ రాష్ట్రం నుండి 13 కోట్లు , హిందీ + రెస్ట్ ఆఫ్ ఇండియా నుండి 3 కోట్ల రూపాయిలు రాబట్టింది. ఇక ఓవర్సీస్ లో అయితే ఈ చిత్రానికి ఏకంగా 80 కోట్ల రూపాయిల గ్రాస్ వసూళ్లు వచ్చాయి. ఓవరాల్ గా ఈ చిత్రానికి ప్రపంచవ్యాప్తంగా 308 కోట్ల రూపాయిల గ్రాస్ వసూళ్లు 148 కోట్ల రూపాయిల షేర్ వసూళ్లు వచ్చాయి. బయ్యర్స్ కి దాదాపుగా 72 కోట్ల రూపాయలకు పైగానే లాభాలు వచ్చినట్టు తెలుస్తోంది.
