Trump : గ్రీన్‌ల్యాండ్‌ను ట్రంప్ ఎందుకు ఆక్రమించాలనుకుంటున్నారు, అమెరికాకు నిజంగానే ఇది అవసరమా?

Trump : అమెరికా కొత్త అధ్యక్షుడిగా ఎన్నికైన తర్వాత, డొనాల్డ్ ట్రంప్ తన పొరుగు దేశాల గురించి నిరంతరం ప్రకటనలు ఇస్తున్నారు. ఓ వైపు కెనడాను అమెరికాలో విలీనం చేస్తామంటూ ప్రకటనలు ఇస్తూనే మరోవైపు గ్రీన్‌ల్యాండ్‌, పనామా కెనాల్‌పై అమెరికా ఆక్రమణపై కూడా మాట్లాడారు. కెనడియన్ ప్రధాన మంత్రి జస్టిన్ ట్రూడో నవంబర్‌లో జరిగిన ఎన్నికలలో గెలిచిన తర్వాత తన నిరంతర ప్రకటనలపై ఇప్పుడు ఒక ప్రకటన ఇచ్చారు. అయితే గ్రీన్‌ల్యాండ్,పనామా ఇప్పటికే ట్రంప్ ప్రకటనను తిరస్కరించాయి.

గ్రీన్‌ల్యాండ్ తన ప్రజలకు చెందినదని, అమ్మకానికి లేదని గ్రీన్‌ల్యాండ్ ప్రధాన మంత్రి మ్యూట్ ఇంగా గత నెలలో స్పష్టంగా చెప్పారు. గ్రీన్‌ల్యాండ్, పనామా కెనాల్‌లను అమెరికా స్వాధీనం చేసుకోవాలని, ఎందుకంటే అమెరికా జాతీయ భద్రతకు ఈ రెండూ చాలా ముఖ్యమైనవని అమెరికా కొత్తగా ఎన్నికైన అధ్యక్షుడు డొనాల్డ్ ట్రంప్ అన్నారు. జాతీయ భద్రత, ప్రపంచంలో ఎక్కడికైనా వెళ్లే స్వేచ్ఛ కోసం గ్రీన్‌ల్యాండ్‌పై నియంత్రణ చాలా ముఖ్యమని అమెరికా భావిస్తున్నట్లు ట్రంప్ తన సోషల్ మీడియా ప్లాట్‌ఫామ్ ట్రూత్ లో రాసుకొచ్చారు.

ఈ ప్రకటన వచ్చిన వెంటనే గ్రీన్ ల్యాండ్ నుంచి ఒక ప్రకటన వచ్చింది. దాని ప్రధాన మంత్రి మ్యూట్ ఇంగా, “మేము అమ్మకానికి లేము. మేము ఎప్పటికీ అమ్మకానికి ఉండము అంటూ తెలిపారు. “స్వాతంత్ర్యం కోసం మన సుదీర్ఘ పోరాటాన్ని మనం మరచిపోకూడదు. అయినప్పటికీ, ప్రపంచం మొత్తం, ముఖ్యంగా మన పొరుగువారితో సహకారం, వాణిజ్యానికి మనం సిద్ధంగా ఉండాలి” అంటూ తెలిపారు గ్రీన్ లాండ్ ప్రధాని అన్నారు. ఇక డొనాల్డ్ ట్రంప్ మరోసారి గ్రీన్‌ల్యాండ్‌పై నియంత్రణ గురించి మాట్లాడారు. దానిపై డెన్మార్క్ నుంచి కూడా సమాధానం వచ్చింది.

స్వయంప్రతిపత్తి కలిగిన డానిష్ భూభాగం లేదా పనామా కెనాల్ కోసం సైనిక లేదా ఆర్థిక శక్తిని ఉపయోగిస్తారా అని US అధ్యక్షుడిగా ఎన్నికైన మంగళవారం విలేకరుల సమావేశంలో అడిగారు. ఈ ప్రశ్నపై తాను ఎలాంటి క్లారిటి ఇవ్వలేను అన్నారు. అయితే, ఆర్థిక భద్రత కోసం తాను వాటిని కోరుకుంటున్నట్లు చెప్పారు. తన కుమారుడు డొనాల్డ్ ట్రంప్ జూనియర్ గ్రీన్‌ల్యాండ్‌లో పర్యటించినప్పుడు గ్రీన్‌ల్యాండ్‌కు సంబంధించి ఓ ప్రకటన చేశారు. గ్రీన్‌లాండ్ రాజధాని న్యూక్ చేరుకున్నాడు. తాను ప్రజలతో మాట్లాడేందుకు వ్యక్తిగత పర్యటనకు వచ్చానని, ప్రభుత్వ అధికారులను కలిసే ఆలోచన లేదని ట్రంప్ జూనియర్ అన్నారు.

ఇప్పటివరకు డోనాల్డ్ ట్రంప్ ప్రకటనపై గ్రీన్‌లాండ్ ప్రధాని ప్రకటన కూడా చేశారు. అయితే మంగళవారం, డెన్మార్క్ ప్రధాని మెట్టె ఫ్రెడరిక్‌సెన్ ట్రంప్ వాదనలను తిరస్కరించారు. గ్రీన్‌ల్యాండ్‌ను ఆక్రమించడానికి అమెరికా సైనిక, ఆర్థిక శక్తిని ఉపయోగిస్తుందని తాను భావించడం లేదని అన్నారు. దీనితో పాటు, ఆర్కిటిక్ ప్రాంతంపై అమెరికా ఎక్కువ ఆసక్తిని స్వాగతిస్తున్నట్లు ఫ్రెడరిక్సన్ తెలిపారు. అయితే, అదే సమయంలో గ్రీన్‌ల్యాండ్ ప్రజల పట్ల ‘గౌరవప్రదంగా’ జరగాలని ఆయన పేర్కొన్నారు.

గ్రీన్‌ల్యాండ్‌లో ట్రంప్ జూనియర్ పర్యటన గురించి ప్రధాన మంత్రి ఫ్రెడరిక్‌సెన్‌ను కూడా ఒక ప్రశ్న అడిగారు. దానికి గ్రీన్‌ల్యాండ్ గ్రీన్‌ల్యాండ్‌కు చెందినదని..స్థానిక జనాభా మాత్రమే దాని భవిష్యత్తును నిర్ణయించగలదని అన్నారు. అయితే ‘గ్రీన్‌ల్యాండ్ అమ్మడానికి వారు అంగీకరించామని అన్నారు. అయినప్పటికీ, ఇద్దరూ NATO సభ్యులు కాబట్టి డెన్మార్క్ USతో సన్నిహిత సహకారాన్ని కొనసాగించాల్సిన అవసరం ఉందని కూడా ఆయన నొక్కి చెప్పారు. ఇక గ్రీన్‌లాండ్ ఉత్తర అమెరికా నుంచి యూరప్‌కు అతి తక్కువ మార్గంలో ఉన్న ప్రపంచంలోనే అతిపెద్ద ద్వీపం. ఇది అమెరికా అతిపెద్ద అంతరిక్ష కేంద్రంగా కూడా ఉంది.

అమెరికా చాలా కాలంగా గ్రీన్‌ల్యాండ్‌ను వ్యూహాత్మకంగా ముఖ్యమైనదిగా పరిగణిస్తారు. ఇది ప్రచ్ఛన్న యుద్ధ సమయంలో తులేలో రాడార్ స్థావరాన్ని ఏర్పాటు చేసింది. దీనితో పాటు, బ్యాటరీలు, హైటెక్ పరికరాల తయారీలో ఉపయోగించే ప్రపంచంలోని అనేక అరుదైన ఖనిజాల పెద్ద నిల్వలు కూడా ఇక్కడ ఉన్నాయి. ఇక రష్యా, చైనీస్ నౌకలను ‘అన్నిచోట్లా’ పర్యవేక్షించేందుకు సైన్యం చేస్తున్న ప్రయత్నాలకు ఈ ద్వీపం చాలా కీలకమని ట్రంప్ అభిప్రాయపడ్డారు.

21 లక్షల చదరపు కిలోమీటర్ల విస్తీర్ణంలో ఉన్న గ్రీన్‌ల్యాండ్ ద్వీపంలో కేవలం 57 వేల జనాభా మాత్రమే ఉంది. స్వయంప్రతిపత్తిని కలిగి ఉన్న గ్రీన్లాండ్ ఆర్థిక వ్యవస్థ డానిష్ సబ్సిడీలపై ఆధారపడి ఉంటుంది. డెన్మార్క్ రాజ్యంలో ఇదొక భాగం. ఇక ఈ ద్వీపంలో 80 శాతం శాశ్వతంగా దాదాపు 4 కి.మీ. దట్టమైన మంచు స్తంభించిపోయింది. ఇక తన మొదటి అధ్యక్ష పదవీ కాలంలో, డొనాల్డ్ ట్రంప్ ఈ ఆర్కిటిక్ ద్వీపాన్ని కొనుగోలు చేయడానికి తన ఆసక్తిని వ్యక్తం చేస్తున్నారు.
అయితే, గ్రీన్‌ల్యాండ్‌ను కొనుగోలు చేయాలని సూచించిన మొదటి అమెరికా అధ్యక్షుడు ట్రంప్ కాదు. ఈ ఆలోచనను 1860లలో అమెరికా 17వ ప్రెసిడెంట్ ఆండ్రూ జాన్సన్ ముందుంచారు.