Abhijit Deepke: యూరప్ ప్రాంతంలో పర్యటిస్తున్న నరేంద్ర మోడీ గురించి ఏ స్థాయిలో అయితే చర్చ జరుగుతోందో.. అభిజిత్ దీప్కే గురించి కూడా అదే స్థాయిలో చర్చి నడుస్తోంది. అలాగని ఇతడేమీ కాకలు తీరిన రాజకీయ నాయకుడు కాదు. వేల కోట్లు సంపాదించిన వ్యాపారవేత్త కాదు. మీడియాలో సెలబ్రిటీ కాదు. సోషల్ మీడియాలో ఇన్ఫ్లుయెన్సర్ కాదు. ఒక సాధారణ వ్యక్తి.. అసాధారణమైన ఆలోచనతో ఇప్పుడు దేశ రాజకీయాలను తీవ్రంగా మార్చేసే పనిలోపడ్డాడు.
సాధారణంగా మన ఇంట్లో బొద్దింకలు కనిపిస్తే చిరాకు పడతాం. బొద్దింకలను చంపడానికి అనేక రకాలుగా ప్రయత్నాలు చేస్తాం. బొద్దింకలను ఏమాత్రం కూడా సహించం. కానీ సుప్రీంకోర్టు చీఫ్ జస్టిస్ సూర్యకాంత్ నిరుద్యోగులను ఉద్దేశించి బొద్దింకలతో పోల్చిన తర్వాత అభిజిత్ కాక్రోచ్ జనతా పార్టీని ఏర్పాటు చేశారు. ఆ పార్టీ ఏర్పాటు కేవలం ఆన్లైన్లోనే జరగడం విశేషం.. ఇప్పుడు ఈ పార్టీకి సోషల్ మీడియా ఖాతాలలో విపరీతమైన ఆదరణ ఉంది. కేంద్రంలో అధికారంలో ఉన్న బిజెపిని మించి ఈ పార్టీకి ఫాలోవర్స్ ఉన్నారంటే పరిస్థితి ఎలా ఉందో అర్థం చేసుకోవచ్చు.
అభిజిత్ కాక్రోచ్ జనతా పార్టీని ఏర్పాటు చేశారు. ఇతడు ఒక పొలిటికల్ స్ట్రాటజిస్ట్. రాజకీయ అంశాల గురించి గతంలో ఇతడు విపరీతంగా పనిచేశాడు. పూణేలో జర్నలిజంలో అండర్ గ్రాడ్యుయేషన్ పూర్తి చేశాడు. ప్రస్తుతం ఇతడు ఉన్నత చదువుల నిమిత్తం బోస్టన్ యూనివర్సిటీలో పబ్లిక్ రిలేషన్స్ లో మాస్టర్స్ డిగ్రీ విద్యను అభ్యసిస్తున్నాడు. 2020 నుంచి 2023 వరకు సోషల్ మీడియాలో వాలంటీర్ గా పనిచేశాడు. 2020లో అరవింద్ కేజ్రీవాల్ ఆధ్వర్యంలో ఆప్ ఢిల్లీలో అధికారంలోకి వచ్చింది. నాడు అభిజిత్ మీమ్స్ ఆధారిత డిజిటల్ క్యాంపెయిన్ లో పాల్గొన్నాడు. ఇది ఆన్లైన్లో యువత భాగస్వామ్యాన్ని విపరీతంగా ప్రభావితం చేసింది. 2026 లో ఇతడు కాక్రోచ్ జనతా పార్టీని ఏర్పాటు చేశాడు. ఈ పార్టీకి సంబంధించి అనేక విధానాలను రూపొందించాడు..
1.ముఖ్యంగా కాక్రోచ్ జనతా పార్టీ అధికారంలోకి వస్తే పదవీ విరమణ తర్వాత ఏ చీఫ్ జస్టిస్ కూడా రాజ్యసభ సీటు పొందడానికి అర్హుడు కాడు.
2.కాక్రోచ్ జనతా పార్టీ అధికారంలో ఉన్న ప్రాంతంలో.. ప్రతిపక్షంలో ఉన్న ప్రాంతంలో ఒక వ్యక్తికి సంబంధించిన ఓటు హక్కును తొలగిస్తే ఉపా చట్టం కింద అరెస్టు చేస్తారు. పౌరుల ఓటు హక్కును తొలగించడానికి ఉగ్రవాదం కంటే దారుణమైన నేరంగా సిజెపి భావిస్తోంది.
సిజెపి అధికారంలోకి వచ్చిన తర్వాత మహిళలకు చట్టసభలలో 50% రిజర్వేషన్లు కల్పిస్తారు.
వ్యాపారవేత్తల ఆధ్వర్యంలో కొనసాగే మీడియా సంస్థల లైసెన్సులు మొత్తం తొలగిస్తారు.
ఒక పార్టీలో గెలిచిన తర్వాత.. మరొక పార్టీలోకి వెళ్లే ఎమ్మెల్యే లేదా ఎంపీలపై 20 సంవత్సరాల పాటు ఎన్నికల్లో పోటీ చేయకుండా.. ఇతర పదవులు చేపట్టకుండా నిషేధం విధిస్తారు.
సిజెపిలో చేరాలంటే..
కాక్రోచ్ జనతా పార్టీలో చేరే నిరుద్యోగి సిద్ధాంత పరంగా ఉద్యోగం లేని వ్యక్తి అయి ఉండాలి.
శారీరకంగా బద్ధకంగా ఉన్నప్పటికీ.. మెదడు అత్యంత చైతన్యవంతంగా ఉన్న సోమరిపోతులు ఈ పార్టీలో చేరడానికి అర్హులు.
కనీసం రోజుల్లో 11 గంటల పాటు ఆన్లైన్లో ఉండే వ్యక్తులు ఈ పార్టీ లో చేరేందుకు అర్హత కలిగి ఉంటారు.
వృత్తి గతంగా విమర్శించగలగడం.. చేసే విమర్శలు అత్యంత పదునుగా ఉండడం.. నిజాయితీని ప్రదర్శించడం.. సమాజానికి పనికి వచ్చే ఆలోచనలు చేయడం వంటి వారు కూడా ఈ పార్టీలో చేరవచ్చు.
