Shivdhar Reddy: తెలంగాణలో కాంగ్రెస్ ప్రభుత్వం కొలువు దీరిన గంట వ్యవధిలోనే అధికారుల ప్రక్షాళన మొదలైంది. ఇద్దరు కీలక అధికారులను బదిలీ చేస్తూ సీఎస్ శాంతి కుమారి ఉత్తర్వులు జారీ చేశారు.
ఇంటలిజెన్స్ చీఫ్గా శివధర్రెడ్డి..
తెలంగాణ రాష్ట్ర ఇంటలిజెన్స్ చీఫ్ గా ఐపీఎస్ అధికారి శివధర్ రెడ్డిని నియమించనున్నారు. ఈరోజు మధ్యాహ్నం ముఖ్యమంత్రిగా రేవంత్ రెడ్డి ప్రమాణ స్వీకారోత్సవం అనంతరం 1994 బ్యాచ్ కు చెందిన సీనియర్ ఐపీఎస్ అధికారి శివధర్ రెడ్డిని రాష్ట్ర ఇంటలిజెన్స్ చీఫ్ గా నియమిస్తూ ప్రభుత్వం ఉత్తర్వులు జారీ చేయనున్నట్లు సమాచారం.
సీఎం ప్రిన్సిపల్ సెక్రెటరీగా శేషాద్రి..
ఇక తెలంగాణ ముఖ్యమంత్రి రేవంత్రెడ్డి ప్రిన్సిపల్ సెక్రెటరీగా ఐఏఎస్ శేషాద్రి నియమితులయ్యారు. ఈమేరకు సీఎస్ శాంతి కుమారి ఆదేశాలు జారీ చేశారు.
