Reserve Bank of India
Reserve Bank of India : వడ్డీరేట్లను తగ్గించేందుకు ఇది సరైన సమయం కాదని రిజర్వ్ బ్యాంక్ ఆఫ్ ఇండియా (ఆర్బీఐ) గవర్నర్ శక్తికాంత దాస్ అన్నారు. ఈ మేరకు ఆయన మాట్లాడుతూ.. దేశంలో ద్రవ్యోల్బణం పెరిగింది. దీన్ని మరింత తగ్గించే అవకాశాలు కనిపించడం లేదు. అటువంటి పరిస్థితిలో, మేము వడ్డీ రేట్లను తగ్గించే రిస్క్ తీసుకోలేము. ఈ నెలలో జరిగిన ద్రవ్య విధాన కమిటీ (ఎంపిసి) సమావేశంలో వడ్డీ రేట్లను స్థిరంగా ఉంచాలని ఆర్‌బిఐ ప్రకటించింది’’ అన్నారు. యుఎస్ ఫెడరల్ రిజర్వ్ వడ్డీ రేట్లను తగ్గించిన తర్వాత, ఆర్‌బిఐ కూడా అదే చేయగలదని అందరూ ఊహించారు. అయితే, సెంట్రల్ బ్యాంక్ నిర్ణయంతో సామాన్యులు షాక్ అయ్యారు. బ్లూమ్‌బెర్గ్ ఇండియా క్రెడిట్ ఫోరమ్‌లో ఆర్‌బిఐ గవర్నర్ శక్తికాంత దాస్ మాట్లాడుతూ.. ఇప్పుడు వడ్డీరేట్లను తగ్గించడం సంక్షోభానికి దారితీస్తుందని అన్నారు. దీని కోసం మనం ద్రవ్యోల్బణం రేటును నిశితంగా గమనించాలి. మీ ఆర్థిక వృద్ధిరేటు బాగుంటే ప్రస్తుతం అందులో ఎలాంటి మార్పు అవసరం లేదు. ద్రవ్యోల్బణం రేటు 4 శాతంగా ఉంటే, మేము వడ్డీ రేట్లను తగ్గించడాన్ని తీవ్రంగా పరిశీలిస్తాము. దీని గురించి మనం ఊహించాల్సిన అవసరం లేదన్నారు.
తదుపరి ఆరు నెలల ద్రవ్యోల్బణం కీలకం
ఆర్బీఐ గవర్నర్ శక్తికాంత దాస్ ప్రకారం.. ద్రవ్యోల్బణం పరంగా రాబోయే ఆరు నెలలు చాలా కీలకం ఉంటాయి. ద్రవ్యోల్బణం నాలుగు శాతం స్థాయికి దిగివస్తుందని శక్తికాంత దాస్ విశ్వాసం వ్యక్తం చేశారు. 2026 ఆర్థిక సంవత్సరంలో ద్రవ్యోల్బణం రేటు 4 శాతంగా ఉంటుందని ఆర్‌బిఐ డిప్యూటీ గవర్నర్ మైఖేల్ పాత్ర అంతకుముందు సూచించారు. గత వారం MPC (మానిటరీ పాలసీ కమిటీ) వరుసగా 10వ సారి వడ్డీ రేట్లను స్థిరంగా ఉంచాలని ప్రకటించింది. డిసెంబర్‌లో జరిగే సమావేశంలో వడ్డీరేట్లను తగ్గించే అవకాశం ఉందని అప్పటి నుంచి ఊహాగానాలు వినిపిస్తున్నాయి. కానీ, ఆర్బీఐ గవర్నర్ మాత్రం ఇప్పట్లో వడ్డీ రేట్లను తగ్గించుకోవాలని అనుకున్నట్లు కనిపించలేదు.
ఆర్‌బిఐ మారకపు రేటు
ప్రపంచంలోని ఇతర కేంద్ర బ్యాంకులు వడ్డీ రేట్లను తగ్గించే అంశంపై ప్రస్తుతం వెయిట్ అండ్ సీ పాలసీని పాటిస్తున్నట్లు శక్తికాంతదాస్ తెలిపారు. సరైన సమయం వచ్చినప్పుడే దీనిపై నిర్ణయం తీసుకుంటామన్నారు. ఆర్థిక వ్యవస్థపై ఇతర కేంద్ర బ్యాంకుల నిర్ణయాల ప్రభావం మనం చూస్తున్నామన్నారు. కానీ, మా ప్రాధాన్యత దేశంలో ద్రవ్యోల్బణం, ఆర్థిక వృద్ధి, ఆర్థిక వ్యవస్థనే. ఇది కాకుండా, మేము మారకపు రేటును నిర్వహించడం లేదని శక్తికాంతదాస్ స్పష్టం చేశారు. మన అవసరాలకు అనుగుణంగా డాలర్లు కొని విక్రయిస్తామని తెలిపారు.
