Project Vishnu: ప్రపంచ వేగవంతమైన వ్యూహాత్మక ఆయుధరంగంలో అమెరికా, రష్యా పోటీ పడుతున్నాయి. అమెరికాకు ఉన్న ఇంటర్కాంటినెంటల్ బాలిస్టిక్ మిస్సైళ్లు అత్యంత కచ్చితంగా పనిచేస్తుండగా, రష్యా ఇటీవల పరీక్షించిన కొత్త హైపర్సోనిక్ మిస్సైల్ 14 గంటలు గాలిలో సాగి 15 వేల కిలోమీటర్ల దూరం వరకు చేరగలదు. ఈ టెక్నాలజీతో ఆయుధ సమతౌల్యం మళ్లీ కొత్త స్థాయికి చేరింది. ఈ తరుణంలో భారత్ కూడా మిస్సైల్ రంగంలో భారత్ కూడా పోటీకి సిద్ధమవుతోంది. భారతీయ రక్షణ పరిశోధన సంస్థ (డీఆర్డీవో) ఇప్పుడు ‘‘ప్రాజెక్ట్ విష్ణు’’ పేరుతో ప్రపంచంలో అత్యాధునిక హైపర్సోనిక్ మిస్సైళ్లలో ఒకదాన్ని అభివృద్ధి చేస్తోంది. ELDHSCM (Extended Long Duration Hypersonic Cruise Missile) పేరుతో పిలవబడుతున్న ఈ క్షిపణి, అత్యంత వేగం, కచ్చితత్వం మరియు విస్తృత పరిధి కలిగినది. ఇది పరీక్ష దశకు చేరుకుంది. మార్చి 8న తొలి టెస్ట్ కోసం సన్నద్ధమవుతోంది.
ఏకకాలంలో వేగం, కచ్చితత్వం, విధ్వంసం
‘విష్ణు’ మిస్సైల్ ప్రోటోటైప్ అత్యధిక గతి మాక్–8 ను దాటేలా రూపకల్పన చేయబడింది. ఇది లక్ష్యాన్ని కచ్చితమైన దిశలో మాత్రమే చేరుకోకుండా, మధ్యలో రహస్య మార్గం మార్చుకునే సామర్థ్యం కలిగి ఉంటుంది. ఈ విధమైన మల్టీలేయర్ ట్రాజెక్టరీ టెక్నాలజీ క్షిపణిని పట్టు పడనివ్వదు. అంతే కాకుండా యుద్ధకావల్స్ మరియు సూపర్ ఇంధన కాంబినేషన్తో దీనికి సామర్థ్యం పెరుగుతుంది.
అంతర్జాతీయ భద్రత నేపథ్యంలో..
హైపర్సోనిక్ క్షిపణుల అభివృద్ధి ప్రస్తుతానికి అమెరికా, రష్యా, చైనా వంటి దేశాలకే పరిమితమై ఉంది. ఇప్పుడు భారత్ కూడా ఆ జాబితాలో చేరబోతుంది. ఈ ప్రాజెక్టు సఫలం అయితే, భారతానికి గగన–సముద్ర రక్షణలో వ్యూహాత్మక ఆధిక్యం లభిస్తుంది. శత్రు రాడార్లకు దొరకకుండా వేగంగా మార్గం మార్చి లక్ష్యాన్ని ఛేదించే సామర్థ్యం ఈ ప్రాజెక్టును ప్రత్యేకం చేస్తోంది.
భారత రక్షణ శక్తిలో కీలక మలుపు..
‘ప్రాజెక్ట్ విష్ణు’ విజయవంతమైతే భారత రక్షణ పరిశ్రమ కొత్త దశను దాటుతుంది. స్వయం సాధనతో నిర్మిత ఈ టెక్నాలజీ ఆశ్రయించకుండా ప్రపంచ రక్షణ మార్కెట్లో భారత స్థాయిని పెంచే అవకాశం ఉంది. రష్యా హైపర్సోనిక్ సాంకేతికత ప్రపంచానికి వేగం చూపించగా, భారత్ ఇప్పుడు దిశ చూపే దశలో ఉంది. మార్చి 8న పరీక్షకు సిద్ధమైన ‘విష్ణు’ క్షిపణి భారత శాస్త్రవేత్తల సామర్థ్యాన్ని ప్రపంచానికి చాటే ఘట్టంగా నిలవనుంది.
