PM Modi : ప్రస్తుతం ప్రధాని మోదీ అమెరికా పర్యటనలో ఉన్నారు. ఈ సందర్భంగా అక్కడి ప్రముఖులతో వరుసగా సమావేశాలు నిర్వహిస్తున్నారు. ఈ క్రమంలోనే ప్రధాని మోదీని ప్రముఖ వ్యాపారవేత్త, టెస్లా సీఈఓ ఎలాన్ మస్క్ కలిశారు. ఎలాన్ మస్క్ తన కుటుంబ సభ్యులందరితో కలిసి ప్రధాని మోదీని కలవడానికి వచ్చారు. ఈ సమావేశంలో ఇద్దరి మధ్య అనేక అంశాలు చర్చకు వచ్చాయి. భారతదేశంలో స్టార్లింక్ వ్యాపారాన్ని ప్రారంభించడంపై కూడా చర్చలు జరిగాయని చెబుతున్నారు. స్టార్లింక్ త్వరలో భారతదేశంలో తన బ్రాడ్బ్యాండ్ సేవను ప్రారంభించవచ్చని రాయిటర్స్ నివేదిక పేర్కొంది.
It was also a delight to meet Mr. @elonmusk’s family and to talk about a wide range of subjects! pic.twitter.com/0WTEqBaVpT
— Narendra Modi (@narendramodi) February 13, 2025
ప్రధానమంత్రి నరేంద్ర మోదీ అమెరికా పర్యటనలో ఉన్నారు. ఇక్కడ ఆయన అధ్యక్షుడు డొనాల్డ్ ట్రంప్ను కూడా కలిశారు. దీనికి ముందు అమెరికన్ నాయకులు, అధికారులు ఆయనను కలవడానికి వచ్చారు. గురువారం, టెస్లా సీఈఓ ఎలాన్ మస్క్ కూడా ప్రధాని మోదీని కలవడానికి బ్లెయిర్ హౌస్కు చేరుకున్నారు. అతని భార్య, ముగ్గురు పిల్లలు కూడా తనతో ఉన్నారు. మస్క్ ప్రధాని మోదీతో అనేక అంశాలపై చర్చించారు. ఈ సమయంలో విదేశాంగ మంత్రి జై శంకర్, ఎన్ఎస్ఏ అజిత్ దోవల్, ఇతరులు కూడా హాజరయ్యారు.
Had a very good meeting with @elonmusk in Washington DC. We discussed various issues, including those he is passionate about such as space, mobility, technology and innovation. I talked about India’s efforts towards reform and furthering ‘Minimum Government, Maximum Governance.’ pic.twitter.com/7xNEqnxERZ
— Narendra Modi (@narendramodi) February 13, 2025
ప్రధాని మోదీ, మస్క్ మధ్య 55 నిమిషాల పాటు చర్చ
ప్రధాని మోదీ, మస్క్ మధ్య దాదాపు 55 నిమిషాల పాటు చర్చలు జరిగాయి. సమావేశం తర్వాత మస్క్ బయటకు వచ్చి ప్రధాని మోదీతో మీటింగ్ ఎలా ఉందని అడిగినప్పుడు, మస్క్ థంబ్స్ అప్ ఇచ్చి మీటింగ్ చాలా బాగుందని అన్నారు. ఈ సమావేశానికి సంబంధించిన ఫోటోలను ప్రధానమంత్రి నరేంద్ర మోడీ సోషల్ మీడియాలో పోస్ట్ చేశారు.. అందులో సమావేశం చాలా బాగా జరిగిందని రాసుకొచ్చారు.
#WATCH | Tesla CEO Elon Musk arrives at Blair House in Washington, DC, for a bilateral meeting with PM Narendra Modi. pic.twitter.com/gcVGjHU7b6
— ANI (@ANI) February 13, 2025
అమెరికా ఎన్ఎస్ఏతో చర్చలు
ప్రధానమంత్రి నరేంద్ర మోడీ అమెరికా జాతీయ భద్రతా సలహాదారు మైఖేల్ వాల్ట్స్తో సమావేశమయ్యారు. ఈ సమావేశానికి సంబంధించిన ఫోటోలను సోషల్ మీడియా ప్లాట్ఫామ్ X లో ప్రధాని మోదీ ట్వీట్ చేశారు. NSA తో సక్సెస్ ఫుల్ సమావేశం జరిగిందని రాశారు. ‘‘ఆయన ఎల్లప్పుడూ భారతదేశానికి స్నేహితుడు. రక్షణ, సాంకేతికత, భద్రత భారతదేశం-అమెరికా సంబంధాలలో ముఖ్యమైన అంశాలు.. ఈ అంశాలపై మేము అద్భుతమైన చర్చలు జరిపాము. AI, సెమీకండక్టర్లు, అంతరిక్షం, ఇతర రంగాలలో సహకారానికి బలమైన అవకాశం ఉంది.’’ అని అన్నారు. అమెరికాలో నివసిస్తున్న బంగ్లాదేశ్ పౌరులు భారతదేశానికి మద్దతుగా వైట్ హౌస్ వెలుపల చేరుకున్నారు. వారు ‘మోదీకి మద్దతు ఇస్తున్నాం’ అని నినాదాలు చేస్తున్నారు. బంగ్లాదేశ్ పౌరులు కూడా తమ చేతుల్లో బ్యానర్ పట్టుకుని, యూనస్ను తొలగించాలని డిమాండ్ చేశారు.
