Mutual Fund SIP Data
Mutual Fund SIP Data : సిస్టమాటిక్ ఇన్వెస్ట్‌మెంట్ ప్లాన్(SIP) ద్వారా మ్యూచువల్ ఫండ్లలో పెట్టుబడి ఆల్ టైమ్ గరిష్ట స్థాయికి చేరుకుంది. డిసెంబర్ 2024లో మ్యూచువల్ ఫండ్లలో SIP ఇన్‌ఫ్లోలు మొదటిసారిగా రూ.26,000 కోట్లు దాటి రూ.26,459 కోట్లకు చేరుకున్నాయి. ఇది నవంబర్ 2024లో రూ.25320 కోట్ల కంటే భారీ మొత్తంలో ఎక్కువనే చెప్పాలి. డిసెంబర్లో ఈక్విటీ మ్యూచువల్ ఫండ్లలో పెట్టుబడి రూ.41,155 కోట్లుగా ఉంది. ఇది నెలవారీగా 15 శాతం పెరిగింది.
SIP పెట్టుబడి 26000 కోట్లు దాటింది
డిసెంబర్ నెలలో స్టాక్ మార్కెట్లో చాలా అస్థిరతలు ఉన్నప్పటికీ, అలాగే విదేశీ పెట్టుబడిదారులు భారీగా అమ్మకాలు జరిపినప్పటికీ, దేశీయ పెట్టుబడిదారులు ఇప్పటికీ భారత స్టాక్ మార్కెట్‌పై నమ్మకాన్ని ఉంచారు. వారు దీర్ఘకాలికంగా మార్కెట్లో పెట్టుబడి పెట్టడానికి వెనుకాడడం లేదు. దీని ఫలితంగా అసోసియేషన్ ఆఫ్ మ్యూచువల్ ఫండ్స్ (AMFI) డిసెంబర్ 2024 కోసం విడుదల చేసిన డేటా ప్రకారం.. ఈ నెలలో SIP ద్వారా మ్యూచువల్ ఫండ్లలో పెట్టుబడి చారిత్రక గరిష్ట స్థాయి రూ. 26000 కోట్లను దాటి రూ. 26,459 కోట్లకు చేరుకుంది.. అంటే నవంబర్ నెల కంటే రూ. 1139 కోట్లు ఎక్కువ.
మిడ్-క్యాప్, స్మాల్-క్యాప్ ఫండ్లలో భారీ పెట్టుబడి
డిసెంబర్లో మ్యూచువల్ ఫండ్లలో పెట్టుబడులపై అసోసియేషన్ ఆఫ్ మ్యూచువల్ ఫండ్స్ (AMFI) విడుదల చేసిన డేటా ప్రకారం.. నవంబర్‌లో రూ.4883 కోట్లతో పోలిస్తే మిడ్-క్యాప్ మ్యూచువల్ ఫండ్ పథకాలలో అత్యధికంగా రూ.5093 కోట్ల పెట్టుబడి వచ్చింది. నవంబర్‌లో లార్జ్ క్యాప్‌లో పెట్టుబడి రూ.2547 కోట్లుగా ఉండగా, ఈ ఏడాది నవంబర్‌లో అది రూ.2010 కోట్లకు తగ్గింది. స్మాల్-క్యాప్ మ్యూచువల్ ఫండ్స్ నవంబర్‌లో రూ.4111 కోట్లుగా ఉన్న రూ.4667 కోట్ల పెట్టుబడిని అందుకున్నాయి.
2024లో AUM 27 శాతం పెరిగింది
AMFI డేటా ప్రకారం, డిసెంబర్లో మొత్తం నికర ఇన్‌ఫ్లో రూ. 80,509 కోట్లు కాగా, పెట్టుబడిదారులు డెట్ ఫండ్ల నుండి రూ. 1.27 కోట్ల విలువైన పెట్టుబడులను ఉపసంహరించుకున్నారు. మ్యూచువల్ ఫండ్ కంపెనీల నిర్వహణలో ఉన్న ఆస్తులు (AUM) 2 శాతం తగ్గి రూ.66.66 లక్షల కోట్లకు చేరుకున్నాయి, ఇది నవంబర్‌లో రూ.67.81 లక్షల కోట్లు. జనవరి 2024లో నిర్వహణలో ఉన్న ఆస్తి రూ.52.44 లక్షల కోట్లుగా ఉంది, ఇది సంవత్సరం చివరి నాటికి 27 శాతం పెరిగి రూ.66.66 కోట్లకు చేరుకుంది. డిసెంబర్ నెలలో మ్యూచువల్ ఫండ్ కంపెనీలు 34 NFOలను జారీ చేశాయి, వాటి నుండి రూ.13852 కోట్లు సేకరించబడ్డాయి.
