Most Spoken Languages in India: భారతదేశం భాషా వైవిధ్యంలో అగ్రగామిగా నిలుస్తుంది. సంస్కృతితోపాటు వేషధారణ, ఆహారపు అలవాట్లు కూడా భిన్నమే. ఇక అనేక భాషలకు పుట్టినిల్లు భారత్. అందుకే భారత్ను మినీ వరల్డ్గా భావిస్తారు. భారతీయులు కూడా అనేక దేశాల్లో ఉంటున్నారు. 2025 నివేదిక ప్రకారం భారత్లో ఎక్కువ మాట్లాడుతున్న పది భాషలు ఇలా ఉన్నాయి.
మొదటిస్థానంలో హిందీ..
హిందీని దేశంలో 540 మిలియన్ల మంది మాట్లాడుతున్నారు. అత్యధికంగా మాట్లాడబడే భాషగా ఆధిపత్యం చెలాయిస్తుంది. ఉత్తర భారత రాష్ట్రాలైన ఉత్తరప్రదేశ్, బీహార్, మధ్యప్రదేశ్, రాజస్థాన్లలో ప్రధాన భాషగా ఉంది. ఇది జాతీయ స్థాయిలో సమాచార వినిమయ భాషగా, బాలీవుడ్ సినిమాల ద్వారా సాంస్కృతిక ప్రభావం చూపుతుంది. హిందీ యొక్క విస్తృత వ్యాప్తి దాని అధికారిక భాషా స్థాయి విద్యా వ్యవస్థలో దాని ఉనికిని బలపరుస్తుంది.
రెండో స్థానంలో బెంగాలీ..
పశ్చిమ బెంగాల్, త్రిపురలో ప్రధాన భాషగా ఉన్న బెంగాలీని దేశంలో 100 మిలియన్ల మంది మాట్లాడుతున్నారు. సాహిత్యం, కళలలో గొప్ప వారసత్వం కలిగి ఉంది. రవీంద్రనాథ్ టాగోర్ లాంటి సాహితీవేత్తల ద్వారా ఈ భాష ప్రపంచ గుర్తింపు పొందింది. బెంగాలీ మాట్లాడే జనాభా సంఖ్య దాని సాంస్కృతిక బలాన్ని సూచిస్తుంది.
మూడోస్థాన మరాఠీదే..
మహారాష్ట్రలో మాట్లాడే భాష మరాఠీ. దేశంలో మరాఠీని 85 మిలియన్ల మంది మాట్లాడుతున్నారు. ముంబై వంటి ఆర్థిక రాజధానులలో గణనీయమైన ప్రభావం చూపుతుంది. సాహిత్యం, నాటకం, మరియు సినిమా రంగంలో మరాఠీ భాష గొప్ప స్థానం కలిగి ఉంది.
Also Read: ఉబెర్, ఓలా, రాపిడ్ ఓ వాడే వారందరికీ ఇది షాకింగ్ న్యూస్
నాలుగోస్థానంలో తియనైన తెలుగు..
ఆంధ్రప్రదేశ్, తెలంగాణలో ప్రధాన భాషగా ఉన్న తెలుగు, ద్రావిడ భాషలలో అత్యంత విస్తృతంగా మాట్లాడబడుతుంది. తెలుగు సినిమా రంగం (టాలీవుడ్), సాహిత్యం దీని జనాదరణను మరింత పెంచాయి. తెలుగు భాషా సంపన్నత దాని సాంస్కృతిక గుర్తింపును బలపరుస్తుంది. దేవంలో 83 మిలియన్ల మంది తెలుగు మాట్లాడుతున్నారు.
ఐదోస్థానంలో తమిళం..
తమిళనాడు, శ్రీలంకలో కొంత భాగంలో మాట్లాడబడే భాష తమిళం. ప్రపంచంలోనే అత్యంత పురాతన భాషలలో ఒకటిగా గుర్తింపబడింది. సంగమ సాహిత్యం నుండి ఆధునిక సినిమా వరకు తమిళం దాని సాంస్కృతిక గాఢతను నిలుపుకుంది. ప్రస్తుతం దేశంలో 78 మిలియన్ల మంది మాట్లాడుతున్నారు.
గుజరాతీకి ఆరోస్థానం..
గుజరాత్లో మాట్లాడబడే గుజరాతీ, వాణిజ్య కేంద్రాలైన అహ్మదాబాద్, సూరత్లలో బలమైన ఉనికిని కలిగి ఉంది. గాంధీజీ లాంటి మహానుభావుల సాహిత్యం దీని ఖ్యాతిని పెంచింది. 60 మిలియన్ల మంది దేశంలో గుజరాతీ మాట్లాడుతారు.
కన్నడ ఏడోస్థానం..
కర్ణాటకలో మాట్లాడబడే కన్నడ భాష, సాహిత్యం, సినిమా, సాంకేతిక రంగంలో బెంగళూరు వంటి నగరాల ద్వారా ప్రముఖమైంది. కన్నడ సాహిత్యం ఎనిమిది జ్ఞానపీఠ పురస్కారాలను గెలుచుకుంది. 48 మిలియన్ల మంది దేశంలో కన్నడ మాట్లాడుతున్నారు.
Also Read: ట్రంప్ టారిఫ్ వ్యూహం.. భారత్తో బిజినెస్ డీల్ ఏం జరుగనుంది?
ఎనిమిదో స్థానంలో ఒడియా
ఒడిశాలో మాట్లాడబడే ఒడియా, శాస్త్రీయ భాషా హోదా కలిగిన ఆరు భారతీయ భాషలలో ఒకటి. జగన్నాథ సంస్కృతి, సాహిత్యం దీని గుర్తింపును బలపరిచాయి. ప్రస్తుతం ఈ భాషను దేశంలో 38 మిలియన్ల మంది మాట్లాడుతున్నారు.
మలయాళం తొమ్మిదోస్థానం..
కేరళలో మాట్లాడబడే మలయాళం, సాహిత్యం, సినిమా రంగంలో గణనీయమైన ప్రభావం కలిగి ఉంది. దీని శాస్త్రీయ హోదా, గొప్ప సాహిత్యం దీనిని ప్రత్యేకంగా నిలబెట్టాయి. దేశంలో 35 మిలియన్ల మంది మళయాళం మాట్లాడుతున్నారు.
పంజాబీ..
పంజాబ్లో మాట్లాడబడే పంజాబీ, భాంగ్రా, గురబానీ, సినిమా ద్వారా ప్రపంచవ్యాప్తంగా ప్రసిద్ధి చెందింది. ఈ భాష పంజాబీ డయాస్పోరాలో కూడా బలమైన ఉనికిని కలిగి ఉంది. దేశంలో 34 మిలియన్లు ఈ భాష మాట్లాడుతున్నారు.
Most Spoken Languages in India 2025. pic.twitter.com/J8sGwvzzD3
— Fukkard (@Fukkard) July 8, 2025
