KCR: బీజేపీ కీలక నేత విషయంలో కేసీఆర్ వ్యూహం ఫలించినట్టేనా..?

KCR: సీఎం కేసీఆర్‌ను రాజకీయ చాణక్యుడిగా అభివర్ణిస్తుంటారు కొందరు. కేసీఆర్ ఎత్తులు వేశారంటే ఆయనకు తిరుగుండదని, ప్రత్యర్థులు చిత్తు కావాల్సిందేనని పొలిటికల్ వర్గాల్లో టాక్. అయితే, టీఆర్ఎస్ నుంచి బీజేపీలో చేరిన కీలక నేత విషయంలో ముఖ్యమంత్రి వేసిన స్కెచ్ ఫలించిందా? అంటే అవుననే సమాధానం వినిపిస్తోంది. కేసీఆర్ ఏ నిర్ణయం తీసుకున్నా దాని వెనుక ఏదో ఒక రాజకీయ ప్రయోజనం తప్పకుండా ఉంటేగానీ ముందుకు వెళ్లరని  కూడా అందరికీ తెలుసు. సొంత పార్టీలో ఉండి కుట్రలు చేస్తున్నారన్న నెపంతో మాజీ మంత్రి ఈటల రాజేందర్‌ను కేసీఆర్ బయటకు పంపించడమే కాకుండా ఆయన్ను తన సొంత నియోజకవర్గంలోనూ ఓడించేందుకు విశ్వప్రయత్నాలు చేశారు.

హుజూరాబాద్ ఉపఎన్నికల్లో గెలిచేందుకు టీఆర్ఎస్ వంద కోట్లు ఖర్చుచేసినా, దళితబంధు లాంటి పథకాలు తీసుకొచ్చినా  ఓటర్లు మాత్రం బీజేపీ అభ్యర్థిగా పోటీ చేసిన ఈటల రాజేందర్ కు పట్టం కట్టారు. ఈటలను సొంత నియోజకవర్గంలో దెబ్బకొట్టాలని కేసీఆర్ చేసిన వ్యూహాలు పెద్దగా ఫలించలేదు. ఈటలను అసెంబ్లీలో అడుగు పెట్టనివ్వబోమని కేసీఆర్ ప్లాన్ చేయగా.. దానికి హుజురాబాద్ ఓటర్లు రివర్స్ తీర్పునిచ్చారు.

Also Read: వర్మ  ‘బాలయ్య షో’  పై చేసిన  ట్వీట్  ను ఎందుకు డిలీట్ చేశాడంటే.. ?