చంద్రబాబు సీఏంగా ఏపీలో అధికారంలో ఉన్నప్పుడు 30 కన్నా ఎక్కువ సార్లు ఢిల్లీ వెళ్ళారు. అదే నరేంద్ర మోడీ అప్పట్లో ప్రధాని. కానీ చంద్రబాబును కనీసం కలిసేందుకు కూడా మోడీ అనుమతి ఇవ్వలేదు. దానిని పక్కన పెడితే ఏ ముఖ్యమంత్రి అయినా వెళ్లి కేంద్రంలోని నాయకులను కలుసుకుని రాష్ట్రానికి నిధులు తీసుకురావడం సర్వసాధారణం.
బెంగాల్ లో హోరాహోరీ తలపడ్డప్పటికీ మమతా బెనర్జీ ఎన్నికల్లో గెలిచిన వెంటనే నరేంద్ర మోడీని కలవడానికి వెళ్ళారు. తిరిగి వచ్చిన తరువాత వచ్చే ఎన్నికల్లో మోడీని ఓడించాలని ఆమె మళ్ళీ పిలుపునిచ్చారు.
అయితే ఆశ్చర్యకరంగా చంద్రబాబు.. అతని మిత్రుడు వైయస్ జగన్ మోహన్ రెడ్డి ఢిల్లీకి వెళితే ఓ రకమైన ప్రచారాన్ని మీడియాలో.. బయట సాగిస్తున్నారు. వైఎస్ జగన్ ఢిల్లీకి వెళ్లేది తనపై ఉన్న కేసుల నుంచి మిముక్తి చేయాలని జగన్ కోరాడని ప్రచారం చేయడం ప్రారంభించారు. జగన్ మోహన్ రెడ్డి కేసులకు భయపడి ఉంటే, అతను 2009 లోనే సోనియా గాంధీతో రాజీ పడేవాడు.
జగన్ మోదీని ఎప్పుడూ విమర్శించలేదనేది అబద్ధం. కొద్ది రోజుల క్రితం ఆయన టీకాల సరఫరాపై మోడీకి వ్యతిరేకంగా మాట్లాడారు. ముఖ్యమంత్రుల మద్దతు కూడా తీసుకున్నారు. వైయస్ జగన్ చొరవ.. విజ్ఞప్తి తరువాత మాత్రమే ఉచిత టీకా పంపిణీ, సరఫరా భారాన్ని కేంద్రం భరిస్తుందని ప్రధాని ప్రకటించారు.
చంద్రబాబు ప్రకటను విశ్వసిస్తే జగన్ కు ఉన్న కేసులను మోడీ, అమిత్ షా స్థాయిలో పరిష్కరించగలిగితే సుప్రీంకోర్టు, హైకోర్టుల అవసరం ఏమిటి? కేంద్ర మంత్రులు ఎవరిపైనా కేసులను ఎత్తివేయగల సామర్థ్యాన్ని కలిగి ఉన్నారని చెప్పి చంద్రబాబు రాజ్యాంగ సంస్థలను ఎగతాళి చేస్తున్నారా? అని వైసీపీ నేతలు ప్రశ్నిస్తున్నారు. అటువంటి తప్పుడు ప్రచారాలను ప్రజలకు పంపడం కోర్టులను అపహాస్యం చేయడమేనని.. ఇది తీవ్రమైన నేరం అని చెప్పకతప్పుదు..
