Donald Trump : అమెరికా అటార్నీ జనరల్ పదవికి ఊహించని వ్యక్తిని నామినెట్ చేసిన ట్రంప్.. ఇంతకీ తను ఎవరంటే ?

Donald Trump : అమెరికా అటార్నీ జనరల్ పదవికి నామినేషన్‌ను ఉపసంహరించుకుంటున్నట్లు మాట్ గేట్జ్ గురువారం ప్రకటించడంతో డొనాల్డ్ ట్రంప్‌కు గట్టి ఎదురుదెబ్బ తగిలింది. మాట్ గేట్జ్‌పై లైంగిక ఆరోపణల కేసు ఎంతటి వివాదాన్ని లేవనెత్తిందో తెలిసిందే.  దీంతో డొనాల్డ్ ట్రంప్ గురువారం పామ్ బోండిని దేశ అటార్నీ జనరల్ పదవికి నామినేట్ చేశారు. పామ్ బోండి ఫ్లోరిడా మాజీ అటార్నీ జనరల్‌గా పనిచేశారు. పామ్ బోండి కంటే ముందు మాట్ గేట్జ్ ఈ పదవికి నామినేట్ అయ్యారు. అయితే.. మాట్ గేట్జ్ ఈ పోస్ట్ నుండి తన పేరును ఉపసంహరించుకున్నాడు. లైంగిక ఆరోపణలు, మానవ అక్రమ రవాణా ఆరోపణలపై జరుగుతున్న విచారణ కారణంగా అటార్నీ జనరల్‌గా తన పేరు ఆమోదం పొందే అవకాశం లేనందున  ఈ పదవికి గతంలో నామినేట్ అయిన మాట్ గేట్జ్ తన నామినేషన్ ఉపసంహరించుకుంటున్నట్లు ప్రకటించారు. మాట్ గేట్జ్ మాట్లాడుతూ.. ‘‘వాషింగ్టన్‌లో అనవసరంగా సుదీర్ఘ చర్చకు సమయం వృధా చేయడంలో అర్థం లేదు..కాబట్టి నేను అటార్నీ జనరల్ పదవి నుండి నా పేరును ఉపసంహరించుకుంటున్నాను.’’ అని ప్రకటించారు.

పామ్ బోండి ఎవరు?
మాట్ గేట్జ్ ఉపసంహరించుకున్న కొద్దిసేపటికే పామ్ బోండి ఈ పదవికి నామినేట్ అయ్యారు. డొనాల్డ్ ట్రంప్‌కు పామ్ బోండి చాలా కాలంగా స్నేహితురాలు. పామ్ బోండి గురించి డొనాల్డ్ ట్రంప్ మాట్లాడుతూ.. పామ్ బోండి గత 20 సంవత్సరాలుగా న్యాయవాదిగా పని చేస్తున్నారు. ఆమె నేరస్థుల పట్ట చాలా కఠినంగా వ్యవహరించేవారు.  ఫ్లోరిడా వీధులను చాలా సురక్షితంగా చేసింది. అలాగే, ఫ్లోరిడా అటార్నీ జనరల్‌గా బాధ్యతలు చేపట్టిన మొదటి మహిళ పామ్ బొండి. డ్రగ్స్, స్మగ్లింగ్‌ను అరికట్టేందుకు కృషి చేశానని ట్రంప్ అన్నారు. ‘‘తన మొదటి టర్మ్‌లో మా ఓపియాయిడ్, డ్రగ్ దుర్వినియోగ కమిషన్‌లో సేవ చేయమని నేను అడిగాను. మేము చాలా మంది ప్రాణాలను రక్షించాము. పామ్ బోండి అమెరికా ఫస్ట్ పాలసీ ఇన్‌స్టిట్యూట్ అధ్యక్షుడిగా కూడా ఉన్నారు.’’ అని ట్రంప్ అన్నారు.

మాట్ గేట్జ్ ఏమన్నారంటే ?
పామ్ బోండి ఈ పదవికి నామినేట్ కావడంపై.. మాట్ గేట్జ్ మాట్లాడుతూ, పామ్ ఫ్లోరిడా అటార్నీ జనరల్‌గా ఉన్నప్పుడు మేము కలిసి పనిచేశాము. గేట్జ్ బోండి నామినేషన్‌ను స్వాగతించారు, ఆమె మంచి న్యాయవాది, నాయకురాలు, అమెరికన్లందరికీ ఛాంపియన్ అని చెప్పాడు. న్యాయ శాఖలో కూడా మెరుగైన సంస్కరణలు తీసుకొస్తానని ఆమె చెప్పారు. పామ్ బోండి పేరును ప్రకటించడంపై పలువురు ఎంపీలు హర్షం వ్యక్తం చేశారు.

ట్రంప్, బోండి మధ్య సంబంధం ఎలా ఉంది?
పామ్ బోండి పేరు ఆమోదం పొందితే.. ఆమె దేశానికి చీఫ్ లా ఎన్‌ఫోర్స్‌మెంట్ ఆఫీసర్ అవుతారు. అలాగే ఆమె న్యాయ శాఖకు ఇన్‌చార్జ్‌గా మారుతారు. పామ్ బోండి డొనాల్డ్ ట్రంప్‌కు సన్నిహితురాలిగా పరిగణిస్తారు.  ట్రంప్‌పై క్రిమినల్ కేసులతో పాటు రెండు ఫెడరల్ కేసుల్లో ఆరోపణలు చేసిన న్యాయవాది జాక్ స్మిత్‌పై ఆమె విమర్శలు గుప్పించారు. ట్రంప్‌కు వ్యతిరేకంగా నిలబడిన న్యాయవాదిని విమర్శిస్తూ.. పామ్ బోండి ఒక రేడియో కార్యక్రమంలో మాట్లాడారు.