శీతాకాలం వచ్చింది. కరోనాలో కొత్త మార్పులు చోటుచేసుకుంటున్నాయి. ఇది ప్రమాదకరంగా మారుతోంది. మరింత చురుకుగా వేగంగా మారుతోందని అమెరికాలో ఓ పరిశోధనలో తేలింది. ముఖ్యంగా శీతల దేశాలకు ఈ వైరస్ అత్యంత ప్రమాదకరంగా మారనుందని తేలింది. భారత్ లో శీతలంగా ఉండే ఉత్తర భారత్ కు పెనుముప్పు తప్పదని అమెరికా పరిశోధన హెచ్చరిస్తోంది. అమెరికాలో కరోనావైరస్ కొత్త మార్గాల్లో విస్తరిస్తోంది. విభిన్న మార్గాల్లో వ్యాప్తి చెందుతోందని తేలింది.
Also Read: కరోనా సోకడం దేవుని ఆశీర్వాదం అంటున్న ట్రంప్..?
అమెరికాలో వ్యాధి విస్తరించే రేటు చాలా పెరిగిందని.. వైరస్ చురుకుగా తయారైందని తాజాగా వాషింగ్టన్ కు చెందిన పాన్ అమెరికన్ హెల్త్ ఆర్గనైజేషన్ (పాహో) డైరెక్టర్ కారిస్సా ఎఫ్. ఎటియన్నే ఆందోళన వ్యక్తం చేశారు. అమెరికాలో 17 మిలియన్లకు పైగా కోవిడ్ -19 కేసులు నమోదయ్యాయని ఎటియన్నే ధృవీకరించారు. తీవ్రమైన కరోనా కేసులు అమెరికా అంతా విస్తరిస్తున్నాయని ఎటియన్నే తెలిపారు. ఈ వైరస్ గురించి పెరుగుతున్న పరిశోధనలతో తీవ్రమైన అనారోగ్యం, రోగులను కలుగజేస్తోందని తేలింది. అమెరికాలో ఈ వైరస్ కొత్తగా మారి చాలా మందికి సోకుతోందని తేలింది.
ప్రస్తుతం ప్రపంచంలోనే అత్యధికంగా నష్టపోయిన దేశంగా అమెరికా ఉంది. 7,547,929 కేసులు, 211,753 మరణాలు అమెరికాలో నమోదయ్యాయి. 574,000 మందికి పైగా మరణించారు. ఈ గణాంకాలు ప్రపంచవ్యాప్తంగా ఉన్న అన్ని కేసులలో సగం కావడం గమనార్హం. ఇక అన్ని మరణాలలో సగానికి పైగా అమెరికాలోనే ఉండడం ఆందోళన కలిగిస్తోంది. అమెరికాలో యువకులు, ముఖ్యంగా 20-29 సంవత్సరాల వయస్సు గలవారికి వైరస్ ఎక్కువగా సోకుతోంది. కొత్త కేసులలో 20 శాతం వీరే ఉన్నారు. చాలా మంది యువకులు అనారోగ్యానికి గురి అవుతున్నారు. అన్ని వయసుల ప్రజలు మాస్కులు ధరించాలని నిపుణులు సూచిస్తున్నారు. తమను తాము రక్షించుకోవడానికి సామాజిక దూరాన్ని ఆచరించాలని ఇతరులను బహిర్గతం చేయకుండా ఉండాలని ఆయన కోరారు.
Also Read: కరోనా సోకింది.. ఏపీ జనాల ‘బతుకు’ చితికింది
బ్రెజిల్ మరియు అమెరికా దేశాల్లో కొత్త కేసులు బాగా పెరుగుతున్నాయి. క్యూబా మరియు జమైకా వంటి వ్యాప్తిని సమర్థవంతంగా నిలువరిస్తున్నాయి. వాస్తవానికి, గత 60 రోజులలో, కరేబియన్‌లోని 11 దేశాల్లో తీవ్రంగా కరోనా వ్యాపించింది. ఈ దేశాలు విదేశీయానాలు తిరిగి తెరిచినందున కేసులు పెరుగుతున్నాయని ఎటియన్నే ఒక ప్రకటనలో పేర్కొన్నారు. వైరస్ లో మార్పు ఫలితంగా కేసుల తీవ్రత బాగా పెరిగిందని తేలింది.
