Maoists Killed: ఉత్తర తెలంగాణ సరిహద్దు రక్తసిక్తమైంది. మహారాష్ట్రలోని గడ్చిరోలి నెత్తురోడింది. భారీ ఎన్ కౌంటర్ లో 26మంది మావోయిస్టుల శవాలు కుప్పలుగా పడిఉన్నాయి. మావోయిస్టుల మరణాల సంఖ్య భారీగా ఉందని.. పోలీసులు కూడా గాయపడినట్టు సమాచారం అందుతోంది.
26-Maoists-killed-in-police-encounter-in-Maharashtras-Gadchiroli-
గడ్చిరోలిలోని గ్యారపట్టి అటవీ ప్రాంతంలో మావోయిస్టులు, పోలీసులకు మధ్య జరిగిన ఎదురుకాల్పుల్లో భారీగా మావోయిస్టులు చనిపోయినట్లు సమాచారం. ఈరోజు ఉదయం నుంచి జరిగిన ఎదురుకాల్పుల్లో ఇప్పటివరకు 26మంది మావోయిస్టులు చనిపోయినట్లు తెలిసింది. మృతుల సంఖ్య మరింత పెరిగే అవకాశం ఉందని భావిస్తున్నారు. ఈ ఘటనలో ముగ్గురు జవాన్లు కూడా గాయపడినట్లు ఎస్పీ తెలిపారు.
గ్యారపట్టి అటవీ ప్రాంతంలో జవాన్లు ఈ ఉదయం కూంబింగ్ నిర్వహిస్తున్న సమయంలో మావోయిస్టులు ఎదురుపడగా ఈ కాల్పులు జరిపినట్టు తెలిసింది. కాల్పుల్లో 26మంది మావోయిస్టుల మృతదేహాలను గుర్తించారు.
ఇక బాలాఘాట్ జిల్లాలో పోలీస్ ఇన్ ఫార్మర్లు అనే నెపంతో ఇద్దరు గ్రామస్థులను మావోయిస్టులు కాల్చి చంపారు. సంతోష్, జగదీష్ యాదవ్ లను మావోయిస్టులు కాల్చి చంపినట్టుగా తెలిసింది. ఈ మేరకు మావోయిస్టులు కరపత్రాలను వదిలివెళ్లారు. పోలీసులకు ఇన్ ఫార్మర్లుగా పనిచేస్తే తీవ్ర పరిణామాలు ఉంటాయని హెచ్చరిస్తూ ఈ కరపత్రాలు వదిలివెళ్లారు.