Viral Video : అడ‌విలో సింహాల వేట సాధార‌ణం. కానీ.. రోడ్డు మీద జ‌నం మ‌ధ్య‌నే ఆవుపై దాడిచేశాయి. గోవు ఎంత‌గా విఫ‌ల‌య‌త్నం చేసిన‌ప్ప‌టికీ.. సింహాల బారి నుంచి విడిపించుకోలేక‌పోయింది. ఆ స‌మ‌యంలో రోడ్డుపై వ‌చ్చే వాహ‌నాల‌న్నీ ఆగిపోయాయి. ప్ర‌స్తుతం ఇందుకు సంబంధించిన వీడియో సోష‌ల్ మీడియాలో వైర‌ల్ అవుతోంది.
సామాజిక మాధ్య‌మాల్లో సింహాలు రోడ్డుపై గుంపులుగా ఉండ‌డం.. రోడ్డు దాటుతున్న వంటి వీడియోలు చ‌క్క‌ర్లు కొడుతుంటాయి. అయితే.. అది కూడా అభ‌యార‌ణ్యాల మీదుగా వెళ్లే ర‌హ‌దారుల్లో ఇలాంటి సంఘ‌ట‌న‌లు చోటు చేసుకుంటాయి. అయితే.. ఇప్పుడు రెండు సింహాలు ఒక ఆవును రోడ్డుపై వేటాడిన వీడియో వైర‌ల్ అయ్యింది. గుజ‌రాత్ రాష్ట్రంలోని జునాగ‌ఢ్ సిటీలో ఈ ఘ‌ట‌న చోటు చేసుకుంది.
ముందు ఒక సింహం ఆవు మెడ ప‌ట్ట‌గా.. మ‌రో సింహం వెన‌క‌గా దాడిచేసింది. దీంతో.. ఆవు విదిలించుకోవ‌డానికి చేసిన ప్ర‌య‌త్నం ఫ‌లించ‌లేదు. ఆ స‌మ‌యంలో రోడ్డుపై వాహ‌నాలు ప్ర‌యాణిస్తూనే ఉండ‌డం గ‌మ‌నార్హం. సాయంత్రం వేళ ఈ ఘ‌ట‌న జ‌రిగిన‌ట్టుగా వీడియో చూస్తే తెలుస్తోంది. అటుగా వ‌చ్చిన వాహ‌న‌దారులు త‌మ వాహ‌నాల‌ను ఆపి వీడియో తీయ‌డం క‌నిపించింది.
జుబిన్ ఆశారా అనే నెటిజ‌న్ ఈ వీయోడిను సోష‌ల్ మీడియాలో షేర్ చేశారు. ట్విట‌ర్ లో పోస్టు చేసిన వెంట‌నే చూస్తుండ‌గానే.. ఈ వీడియో వైర‌ల్ అయ్యింది. మీరు కూడా ఈ వీడియోపై ఓ లుక్కేయండి.
Girnar Lion preying(Hunting) on road of Junagath city#Gujarat #lion pic.twitter.com/JZvjeT4ni4
— Zubin Ashara (@zubinashara) September 3, 2021
