RRR Movie: దేశవ్యాప్తంగా ఆర్ఆర్ఆర్ సినిమా కోసం ప్రేక్షకులంతా ఎంతో ఆత్రుతగా ఎదురుచూస్తున్నారు. మెగా, నందమూరి ఫ్యామిలిలకు చెందిన ఇద్దరూ స్టార్ హీరోలతో కలిసి దర్శకధీరుడు రాజమౌళి రూపొందిస్తున్న ఆర్ఆర్ఆర్ సినిమాపై భారీ అంచనాలు ఉన్నాయి. ఈ సినిమాలో యంగ్ టైగర్ ఎన్టీఆర్ కొమరం భీమ్ గా … మెగా పవర్ స్టార్ రామ్ చరణ్ అల్లూరి సీతారామరాజుగా కలిసి నటిస్తున్నారు. భారీ బడ్జెట్తో డీవీవీ ఎంటర్టైన్మెంట్స్ బ్యానర్ పై దానయ్య నిర్మించిన ఈ సినిమాలో చరణ్ సరసన బాలీవుడ్ బ్యూటీ అలియా భట్.. తారక్ జోడీగా హాలీవుడ్ హీరోయిన్ ఒలివియా మోరీస్ నటిస్తున్నారు. ఈ సినిమా నుంచి వచ్చిన ప్రతి అప్డేట్ సోషల్ మీడియాలో తెగ వైరల్ అవుతుంది. ఇప్పటికే ఈ సినిమా నుంచి విడుదలైన పోస్టర్స్, సాంగ్స్, వీడియోస్ నెట్టింట్లో సంచలన రికార్డ్స్ క్రియేట్ చేస్తున్నాయి. ఇప్పటికే షూటింగ్ పూర్తి చేసుకున్న ఈ సినిమాను జనవరి 7న ప్రపంచ వ్యాప్తంగా విడుదల చేయనున్నారు.
ముందుగా ఈ సినిమా ట్రైలర్ డిసెంబర్ 3న విడుదల చేయాల్సి ఉంది. కానీ గేయ రచయిత సిరివెన్నెల సీతారామశాస్త్రి అకాల మరణంతో ట్రైలర్ రిలీజ్ వాయిదా వేశారు. ఆ తర్వాత డిసెంబర్ 9న ట్రైలర్ చేయనున్నట్లుగా ప్రకటించారు. ట్రైలర్ విడుదలకు సమయం దగ్గర పడుతుండడంతో మూవీ టీమ్ నుంచి సర్ ప్రైజ్ పోస్టర్స్ రిలీజ్ చేస్తున్నారు మేకర్స్. తాజాగా ఆర్ఆర్ఆర్ సినిమా నుంచి యంగ్ టైగర్ ఎన్టీఆర్ లేటేస్ట్ పోస్టర్ రిలీజ్ చేశారు. రక్తంతో తడిచిన శరీరంతో రెండు చేతులతో తాడులను ఆగ్రహంతో కనిపిస్తున్నాడు తారక్. ఇక ఎన్టీఆర్ కొమురం భీమ్ లేటేస్ట్ పోస్టర్ అదిరిపోయిందంటూ తారక్ అభిమానులు ఫుల్ ఖుషి అవుతున్నారు. ఇక సాయంత్రం 4 గంటలకు రామ్ చరణ్ పోస్టర్ రిలీజ్ చేయనున్నట్లుగా ప్రకటించింది చిత్రయూనిట్. ప్రస్తుతం ఈ పోస్టర్లు సోషల్ మీడియాలో వైరల్ గా మారాయి.
That’s BHEEM for you…
#RRRTrailerin3Days #RRRMovie #RRRTrailer pic.twitter.com/bs9DI5gR5F
— Jr NTR (@tarak9999) December 6, 2021
