Boyapati Srinu : తెలుగు సినిమా ఇండస్ట్రీలో ఉన్న చాలా మంది డైరెక్టర్లు వాళ్ళకంటూ ఒక సపరేట్ స్టైల్ ని ఏర్పాటు చేసుకొని అందులోనే సినిమాలు చేస్తూ సక్సెస్ లు అందుకుంటూ ఉంటారు. ఇక అందులో భాగంగానే బోయపాటి శ్రీను కూడా తనదైన యాక్షన్ ఎపిసోడ్స్ తో సినిమాలను తీస్తూ మంచి గుర్తింపు సంపాదించుకున్నాడు.
ఒకప్పుడు రాజమౌళి, వి వి వినాయక్ లు మాస్ డైరెక్టర్లు గా మంచి గుర్తింపు సంపాదించుకున్నారు. ఇక వీళ్ల తర్వాత ఇండస్ట్రీకి వచ్చిన బోయపాటి శ్రీను చాలా తక్కువ సమయంలోనే మాస్ డైరెక్టర్ గా మంచి గుర్తింపు సంపాదించుకోవడమే కాకుండా బాలయ్య బాబు లాంటి స్టార్ హీరో కి మూడు సక్సెస్ లను ఇచ్చి ఇండస్ట్రీలో బాలయ్య బాబు క్రేజ్ తగ్గకుండా నిలబెట్టాడు. అందువల్లే బాలయ్య అభిమానులకి బోయపాటి అంటే చాలా ఇష్టం ఉంటుంది.ఆయన సినిమాలు చూడడానికి వాళ్ళు ఎక్కువగా ఆసక్తిని చూపిస్తూ ఉంటారు. ఇక ఇలాంటి క్రమంలోనే బోయపాటి శ్రీను, రామ్ పోతినేని కాంబినేషన్ లో వచ్చిన స్కంద సినిమా ప్లాప్ గా నిలిచింది.
అయితే ఈ సినిమా తర్వాత బోయపాటి మార్కెట్ కొంత వరకు తగ్గిందనే చెప్పాలి. కానీ అనుకోకుండా ఇప్పుడు బోయపాటి క్రేజ్ భారీ స్థాయిలో పెరిగిపోయింది. దానికి కారణం ఏంటి అనేది ఎవరికీ తెలియదు కానీ, ఒకసారి గీతా ఆర్ట్స్ లో సినిమా చేస్తున్నాడు అని అనౌన్స్ మెంట్ వచ్చిన తర్వాత నుంచి ఎక్కడ చూసినా బోయపాటి పేరు మారుమ్రోగిపోతుంది. ఇక ఇప్పుడు అందుతున్న సమాచారం ప్రకారం బోయపాటి అల్లు అర్జున్ తో సినిమా చేసే అవకాశాలు పుష్కలంగా ఉన్నాయంటూ వార్తలైతే వస్తున్నాయి.
ఇక ఇంతకు ముందే వీళ్ళ కాంబినేషన్ లో వచ్చిన సరైనోడు సినిమా అల్లు అర్జున్ ని మాస్ హీరోగా నిలబెట్టింది. కాబట్టి మరొకసారి బోయపాటి తో సినిమా చేయాలని అల్లు అర్జున్ అనుకుంటున్నట్టు గా తెలుస్తుంది. మొత్తానికైతే ఒక ఫ్లాప్ సినిమా తీసినా కూడా బోయపాటి క్రేజ్ భారీగా పెరగడం నిజంగా గ్రేట్ అనే చెప్పాలి…ఇక బోయపాటి ప్రస్తుతం బాలయ్య తో సినిమా చేస్తాడా లేదా అల్లు అర్జున్ తో సినిమా చేస్తాడా అనేది తెలియాల్సి ఉంది.
