Stalin Strategy On Vijay Government: తమిళనాడు రాజకీయాలు గంటగంటకు మారిపోతున్నాయి. ఒక మంచి పొలిటికల్ థ్రిల్లర్ సినిమాలో కూడా ఇన్ని ట్విస్టులు చూసి ఉందాము. గడిచిన సార్వత్రిక ఎన్నికల్లో తమిళ హీరో విజయ్ స్థాపించిన టీవీకే పార్టీ 107 స్థానాలతో ఘనవిజయం సాధించి , రాష్ట్రంలో అతి పెద్ద పార్టీ గా అవతరించింది. సాధారణంగా సింగల్ లార్జెస్ట్ పార్టీ గా టీవీకే ఉంది కాబట్టి , గవర్నర్ ప్రభుత్వ ఏర్పాటుకి అనుమతి ఇచ్చేస్తాడని అంతా అనుకున్నారు. కానీ ప్రభుత్వ ఏర్పాటుకు అవసరమయ్యే 118 స్థానాలు ఉంటేనే అనుమతి ఇస్తానని ఆయన తెగేసి చెప్పడంతో విజయ్ చిన్న పార్టీల మద్దతు కోసం ఎన్నో కష్టాలను పడాల్సి వచ్చింది. నిన్న ఆయన గవర్నర్ ని కలవగానే , మ్యాజిక్ ఫిగర్ కి అవసరమయ్యే 118 సీట్లను సమకూర్చాడని , నేడు నెహ్రు స్టేడియం లో ఘనంగా ప్రమాణస్వీకార కార్యక్రమం జరగబోతుందని ప్రచారం జరిగింది.
కానీ గవర్నర్ కి కేవలం విజయ్ 116 ఎమ్మెల్యేలకు సంబంధించిన మద్దతు లెటర్స్ ని మాత్రమే ఇచ్చాడట. VCK , IUML పార్టీలకు చెందిన ఎమ్మెల్యేల లెటర్స్ ని ఇవ్వలేదట. దీంతో గవర్నర్ ప్రభుత్వ ఏర్పాటుకి అంగీకరించలేదు. అయితే కాసేపటి క్రితమే ఈ రెండు పార్టీలు విజయ్ టీవీకే కి మద్దతు ఇస్తున్నట్టు అధికారికంగా మీడియా ముందుకొచ్చి చెప్పాయి. దీంతో 120 ఎమ్మెల్యే మద్దతుతో కూడిన ఫైల్ ని గవర్నర్ కి ఇచ్చేందుకు విజయ్ రాజ్ భవన్ కి వెళ్లగా, గవర్నర్ లేడు అనే సమాచారాన్ని తెలుసుకొని వెనక్కి తిరిగి వెళ్లాల్సి వచ్చింది. అందుకు సంబంధించిన విజువల్స్ సోషల్ మీడియా లో బాగా వైరల్ అయ్యాయి. అయితే గవర్నర్ కేరళ టూర్ ని క్యాన్సిల్ చేసుకొని ఇప్పుడు విజయ్ కి అపాయింట్మెంట్ ఇచ్చినట్టు తెలుస్తోంది. కనీసం ఇప్పుడైనా ఆయన ప్రభుత్వ ఏర్పాటుకి అనుమతి తీసుకుంటాడో లేదో చూడాలి.
ఇదంతా పక్కన పెడితే ఈ కూటమి లో కీలక పాత్ర పోషించింది కమ్యూనిస్ట్ పార్టీలు. ఈ రెండు పార్టీలకు చెరో రెండు స్థానాలు , అనగా నాలుగు స్థానాలు ఉన్నాయి. వీళ్ళు ప్రస్తుతం డీఎంకే తో పొత్తులో ఉన్నారు. మేము మీ ప్రభుత్వం లో భాగం అయ్యేందుకు సిద్ధంగా లేమని , కానీ బయట నుండి ప్రభుత్వ ఏర్పాటుకి మద్దతు ఇస్తామని విజయ్ తో చెప్పారట. అంటే వీళ్ళు ఏ క్షణం లో అయితే భవిష్యత్తులో తమ మద్దతుని ఉపసంహరించుకోవచ్చు అన్నమాట. డీఎంకే అధినేత స్టాలిన్ తో సుదీర్ఘంగా చర్చలు జరిపిన తర్వాతే వీళ్ళు విజయ్ కి మద్దతు ఇచ్చారని, స్టాలిన్ సరైన సమయాన్ని చూసుకొని , ఈ కమ్యూనిస్ట్ పార్టీల మద్దతుని ఉపసంహరించుకునేలా చేస్తాడు అనడంలో ఎలాంటి సందేహం లేదని , విజయ్ ప్రభుత్వానికి రిమోట్ స్టాలిన్ చేతుల్లో ఉందని , ఆయన ఎలా చెప్తే , అలా ఆడాలి అంటూ సోషల్ మీడియా లో విశ్లేషకులు కామెంట్స్ చేస్తున్నారు.
