Vijay Deverakonda horse fall video: గుర్రం నుండి పడిపోయిన విజయ్ దేవరకొండ.. ‘రణబలి’ కష్టాలు..సంచలనం రేపుతున్న వీడియో..

Vijay Deverakonda horse fall video: ‘గీతా గోవిందం’ తర్వాత సరైన బ్లాక్ బస్టర్ హిట్ లేక ఇబ్బంది పడుతున్న విజయ్ దేవరకొండ , ప్రస్తుతం ‘రణబలి’ మూవీ తో తన అదృష్టాన్ని పరీక్షించుకోబోతున్నాడు. ఆయన గత చిత్రం ‘కింగ్డమ్’ భారీ అంచనాల నడుమ విడుదలై మంచి పాజిటివ్ టాక్ వచ్చినప్పటికీ కూడా బాక్స్ ఆఫీస్ వద్ద ఫెయిల్యూర్ గా నిల్చింది. అందుకు కారణం విజయ్ దేవరకొండ గత చిత్రాల ప్రభావం అని చెప్పడంలో ఎలాంటి సందేహం లేదు. అయితే ‘రణబలి’ తో కచ్చితంగా రీ సౌండ్ వచ్చే రేంజ్ లో కం బ్యాక్ ఇస్తాననే బలమైన నమ్మకం తో ఉన్నాడు విజయ్ దేవరకొండ. పైగా రష్మిక తో పెళ్లి జరిగిన తర్వాత , వాళ్ళిద్దరి కాంబినేషన్ లో వస్తున్న చిత్రమిది. ‘శ్యామ్ సింగ రాయ్’ వంటి సూపర్ హిట్ చిత్రాన్ని తెరకెక్కించిన రాహుల్ సాంకృత్యాన్ ఈ చిత్రానికి దర్శకత్వం వహిస్తున్నాడు.

ఇప్పటికే ఈ చిత్రం నుండి ఒక గ్లింప్స్ వీడియో , ఒక పాట బయటకు వచ్చింది. ఈ రెండిటికి ఆడియన్స్ నుండి మంచి రెస్పాన్స్ వచ్చింది. నేడు విజయ్ దేవరకొండ పుట్టినరోజు, ఈ సందర్భంగా మేకర్స్ ఈ చిత్రానికి సంబంధించిన మేకింగ్ వీడియో ని ఒకటి విడుదల చేశారు. ఈ మేకింగ్ వీడియో లో విజయ్ దేవరకొండ ‘రణబలి’ కోసం ఎంత కష్టపడున్నాడో చూపించారు. ముఖ్యంగా గుర్రపు స్వారీ కోసం ఆయన తన ప్రాణాలను కూడా పణంగా పెట్టాడు. ఒకసారి కాదు , అనేక సార్లు ఆయన గుర్రపు స్వారీ చేస్తున్నప్పుడు అదుపు తప్పి క్రింద పడిపోయాడు. సాధారణంగా ఇలాంటివి హీరోలతో కాకుండా, డూప్స్ తో చేయిస్తారు మేకర్స్. ఎందుకంటే హీరోలకు చిన్న గాయమైన నెలల తరబడి షూటింగ్ ఆగిపోయే ప్రమాదం ఉంటుంది కాబట్టి. కానీ విజయ్ దేవరకొండ ధైర్యం చేసి , ఈ చిత్రం లో ప్రతీ షాట్ లోనూ తానే నటించే ప్రయత్నం చేశాడు.

ఇదంతా చూస్తుంటే భారీ బ్లాక్ బస్టర్ ని అందుకొని , కం బ్యాక్ ఇవ్వాలనే కసి ఆయనలో విపరీతంగా ఉందని తెలుస్తోంది. విజయ్ దేవరకొండ కి వరుసగా ఫ్లాప్స్ వచ్చినప్పటికీ , యూత్ ఆడియన్స్ లో క్రేజ్ ఇసుమంత క్రేజ్ కూడా తగ్గలేదు. అందుకే ఈ చిత్రానికి భారీ బడ్జెట్ ని ఖర్చు చేస్తున్నారు మేకర్స్. ఆయనకు ఫ్లాప్స్ ఉన్నప్పటికి ఒక్క సరైన సినిమా పడితే ఇండస్ట్రీ మొత్తం షేక్ అయ్యే బ్లాక్ బస్టర్ కొడుతుడానే నమ్మకం మేకర్స్ లో ఉంది. అందుకే ఆయన పై ఎంత బడ్జెట్ ని ఖర్చు చేయడానికైనా సిద్ధం అవుతున్నారు. ఇక సోషల్ మీడియా ని షేక్ చేస్తున్న నేడు విడుదల చేసిన మేకింగ్ వీడియో ని మీకోసం క్రింద అందిస్తున్నాము చూడండి.