F3: విక్టరీ వెంకటేశ్ హీరోగా జీతూ జోషెప్ దర్శకత్వంలో తెరకెక్కిన సినిమా దృశ్యం 2. మరికొద్ది రోజుల్లో ఓటీటీ వేదికగా స్ట్రీమింగ్ కానుంది. ఈ క్రమంలోనే మేకర్స్ ప్రమోషన్స్లో వేగం పెంచారు. మలయాళంలో సూపర్ హీట్గా నిలిచిన దృశ్యం 2కు రీమేక్గా ఈ సినిమాకు తెరకెక్కిస్తున్నారు. ఈ సినిమా అమెజాన్ ప్రైమ్లో ఈ నెల 25న విడుదల కానుంది. దీంతో నెటిజన్లు ఈ సినిమా కోసం ఎంతో ఆసక్తిగా ఎదురు చూస్తున్నారు.
కాగా, ఈ సినిమా తర్వాత వెంకటేశ్ ఎఫ్3తో రానున్నారు. ఫుల్ కామెడీ ఎంటర్టైనర్గా తెరకెక్కుతోన్న ఈ సినిమాను తొలుత సంక్రాంతి కానుకగా విడుదల చేయాలని భావించారు. అయితే, అదే సమయంలో ఆర్ఆర్ఆర్, భీమ్లా నాయక్, రాధే శ్యామ్ వంటి భారీ చిత్రాలు రేసు ఉండటంతో ఈ పోటీలో ఎఫ్3 తట్టుకుని నిలబడగలదా అనే సందేహాలు నెలకొన్నాయి. అయితే, దృశ్యం 2 ప్రమోషన్స్లో భాగంగా ఇటీవలే జరిగిన ఇంటర్వ్యూలో మాట్లాడిన వెంకటేశ్ ఈ విషయంపై క్లారిటీ ఇచ్చాడు.
ఎఫ్3 సంక్రాంతికి విడుదల కావడం లేదని స్పష్టం చేశారు. వేసవికాలంలో ఈ సినిమా ప్రేక్షకుల ముందుకు రానుంది తెలిపారు. ఇప్పటి వరకు సినిమా 70 శాతం షూటింగ్ మాత్రమే పూర్తి చేసుకుందని అన్నారు. వెంకటేష్, వరుణ్ తేజ్, తమన్నా, మెహ్రీన్, సునీల్ ప్రధాన పాత్రల్లో నటిస్తున్నారు. ఈ చిత్రానికి అనిల్ రావిపూడి దర్శకత్వం వహిస్తున్నారు, దిల్ రాజు నిర్మాత. దేవి శ్రీ ప్రసాద్ మ్యూజిక్ డైరెక్టర్గా పని చేస్తున్నారు.
