Venkatesh: పాతికేళ్ల తర్వాత మళ్లీ బాలీవుడ్​ వైపు వెంకీమామ.. సల్మాన్​ఖాన్​తో కలిసి సినిమా

Venkatesh: వెంకీ మామకు అభిమానులంటూ ప్రత్యేకంగా లేరు కానీ, ఆయన సినిమాలొస్తే ఎవ్వరైనా థియేటర్​కు వెళ్లి సందడి చేస్తుంటారు. వెంకీ మామ నుంచి సినిమా వస్తుందంటే మినిమమ్​ ఎంటర్​టైన్​మెంట్​ గ్యారంటీ అని బలమైన నమ్మకం ఉంది. అయితే, పాతికేళ్ల క్రితం బాలీవు్​లోనూ వరుసగా సినిమాలు రిలీజ్​ చేస్తూ మంచి హిట్​ అందుకున్నారు. తెలుగులో సూపర్​ హిట్​గా నిలిచిన చంటి, యమలీల సినిమాలు అక్కడ అనారి, తక్​ దిర్​ వాలా టైటిల్లలో రీమేక్ చేశారు. ఆ తర్వాత మళ్లీ బాలీవుడ్​కు చాలా గ్యాప్ ఇచ్చారు. మళ్లీ ఇప్పుడు పాతికేళ్ల తర్వాత బాలీవుడ్​వైపు ఎందుకో వెంకీ మామకు మనసు మళ్లినట్లుంది. ఈ క్రమంలోనేన కండలవీరుడు సల్మాన్ ఖాన్​ సినిమాలో నటించేందుకు సిద్ధమయాయారు. భాయ్​జాన్​ అనే టైటిల్​తో వస్తోన్న ఈ సినిమాలో వెంకటేశ్​ నటిస్తున్నట్లు ఇటీవలే ప్రకటించారు.

తాజాగా ఈ సినిమా నుంచి మరో ఆసక్తికర విషయం తెలిసింది. ఈ సినిమా ఓ సూపర్​ హిట్​ చిత్రానికి అఫిసియల్​కు రీమేక్​ అని టాక్​. 2014 కోలీవుడ్​​ సూపర్ హిట్​గా నిలిచిన వీరమ్​కు రీమేక్​గా భాయ్​జాన్​ తెరకెక్కుతోంది. ఈ సినిమాలోనే సల్మాన్​, వెంకీ కలిసి అలరించనున్నారు. తెలుగులో వీరమ్​ సినిమాను కాటమరాయుడుగా పవన్​ కల్యాణ్​ నటించిన సంగతి తెలిసిందే.  అయితే, బాలీవుడ్​లో కాస్త కథలో మార్పులు చేశారట. సల్మాన్​కు జోడీగా పూజాహెగ్డే నటిస్తండగా.. సౌత్ నుంచి మరో హీరోయిన్​కు అవకాశం ఇవ్వాలని అనుకుంటున్నట్లు తెలుస్తోంది.

కాగా, ఎఫ్​3 సినిమాతో త్వరలోనే ప్రేక్షకులను పలకరించనున్నారు వెంకటేశ్​. ఇందులో వరుణ్​ తేజ్​ కూడా కనిపించనున్నారు. అనిల్​ రావిపుడి దర్శకత్వంలో రానున్న ఈ సినిమా వచ్చే ఏడాది విడుదలకు సిద్ధమైంది.