Bangarraju Movie: బంగార్రాజు నుంచి “వాసివాడి తస్సాదియ్యా” సాంగ్ ప్రోమో రిలీజ్… అదరగొట్టిన చిట్టి

Bangarraju Movie: కింగ్ అక్కినేని నాగార్జున నటిస్తున్న తాజా చిత్రం బంగార్రాజు. కళ్యాణ్ కృష్ణ దర్శకత్వం వహిస్తున్న ఈ సినిమాలో అక్కినేని నాగ చైతన్య కూడా ఓ ముఖ్య పాత్రలో నటిస్తున్నాడు. ప్రస్తుతం ఈ చిత్రం శరవేగంగా షూటింగ్ జరుపుకుంటుంది. నాగ్ – కళ్యాణ్ కృష్ణ కాంబినేషన్ లో గతంలో వచ్చిన సోగ్గాడే చిన్ని నాయన సినిమాకు ప్రీక్వెల్ గా ఈ మూవీ రానుంది. ఈ సినిమాలో వీరికి జోడీగా రమ్యకృష్ణ, కృతి శెట్టి నటిస్తున్నారు. ఇప్పటికే ఈ సినిమా నుంచి రిలీజైన పోస్టర్స్, సాంగ్స్… భారీ అంచనాలనే రేకెత్తిస్తున్నాయి. ఇక ఈ చిత్రంలో ఫరియా అబ్దుల్లా ఐటెం సాంగ్ లో మెరవడంతో అంచనాలు రెట్టింపు అయ్యాయి. ఇటీవల్ పోస్టర్ లో నాగ్, చైతూ మధ్యన ఊర మాస్ స్టెప్పులతో అదరగొట్టింది చిట్టి.

Also Read: ప్లాష్ బ్యాక్ లో నాగ్ తో రమ్యకృష్ణ.. ‘బంగార్రాజు’ ఏం చేస్తాడో ?

ఇప్పుడు తాజాగా ఈ సాంగ్ ప్రోమోను మేకర్స్ రిలీజ్ చేశారు. ” నువ్వు పెళ్లి చేసుకెళ్ళిపోతే బంగార్రాజు(Bangarraju Movie).. మాకెవ్వరు కొనిస్తారు కోకా బ్లౌజు” అంటూ నాటు భాషలో.. ఊర మాస్ స్టెప్పులతో కనిపించింది. “వాసివాడి తస్సాదియ్యా.. పిల్ల జోరు అదిరిందయ్యా” అంటూ సాగిన ఈ ప్రోమో ఆద్యంతం ఆకట్టుకొంటోంది. డిసెంబర్ 19 న ఫుల్ సాంగ్ ని రిలీజ్ చేస్తున్నట్లు మేకర్స్ ప్రకటించారు. అనూప్ రూబెన్స్ సంగీతం అందించిన ఈ సాంగ్ పార్టీ సాంగ్ ఆఫ్ ది ఇయర్ గా మారుతోందని మేకర్స్ తెలుపుతున్నారు. మరి ఈ సినిమా ఎలాంటి విజయాన్ని అందుకుంటుందో చూడాలంటే కొన్ని రోజులు ఆగాల్సిందే. ఈ సినిమాను జీ స్టూడియోస్, అన్నపూర్ణ స్టూడియోస్ కలిసి సంయుక్తంగా నిర్మిస్తున్నారు. ఫ్యామిలీ ఎంటర్ టైనర్ గా రానున్న ఈ సినిమా పై అక్కినేని అభిమానుల్లో భారీ అంచనాలు నెలకొన్నాయి. కాగా వచ్చే ఏడాది సంక్రాంతి కానుకగా ఈ సినిమాను రిలీజ్ చేసేందుకు ప్లాన్ చేస్తున్నారు.

https://twitter.com/AnnapurnaStdios/status/1471844495834501127?s=20

Also Read: సమంతతో చైతన్య విడిపోడానికి కారణం ఇదేనా?.. వైరల్​గా చై రీసెంట్ ఇంటర్వ్యూ