Varanasi Movie: పాన్ ఇండియా లెవెల్ లో ఇప్పుడు మూవీ లవర్స్ అందరూ ఎంతో ఆతృతగా ఎదురు చూస్తున్న చిత్రాల్లో ఒకటి ‘వారణాసి’. బాహుబలి సిరీస్ , #RRR వంటి గ్లోబల్ సెన్సేషనల్ బ్లాక్ బస్టర్ హిట్స్ తర్వాత రాజమౌళి నుండి రాబోతున్న సినిమా కావడంతో , ఈ చిత్రం పై రాజమౌళి ముందు సినిమాలకంటే భారీ హైప్ ఏర్పడింది. కొంతమంది మూవీ లవర్స్ యాక్షన్ అడ్వెంచర్ చిత్రాలను నచ్చుతారు, కొంతమంది భారీ ఎమోషన్స్ ఉన్న సినిమాలను నచ్చుతారు , కొంతమంది సైన్స్ ఫిక్షన్ సినిమాలను , మన పురాణాలకు సంబంధించిన కథలను నచ్చుతారు , ఈ జానర్స్ అన్నిటిని ఒకే సినిమాలో జోడించి తీస్తే , అదే ‘వారణాసి’. ఇందులో హీరో మహేష్ బాబు ని రాజమౌళి శ్రీ రాముడిగా చూపించబోతున్న సంగతి అందరికీ తెలిసిందే. రాముడి గెటప్ లో మహేష్ బాబు సన్నివేశాలను కూడా ఇది వరకే చాలా చిత్రీకరించారు.
వచ్చే నెల 6 నుండి హైదరాబాద్ లో మరో భారీ షెడ్యూల్ ప్రారంభం కానుంది. ఈ షెడ్యూల్ లో సినిమాకు అత్యంత కీలంగా మారే యాక్షన్ సన్నివేశాన్ని చిత్రీకరించబోతున్నారు. భారీ సెట్స్ ని ఏర్పాటు చేయగా, అందులో ‘వానరాల దాడి సీన్’ ని తెరకెక్కించబోతున్న రాజమౌళి. అందుకోసం ఆయన ఏకంగా 3600 మంది జూనియర్ ఆర్టిస్టులను బరిలోకి దించుతున్నారు. కనీవినీ ఎరుగని రీతిలో భారీ విజువల్స్ ని జోడించి ఈ ఎపిసోడ్ ని ఇంటర్నేషనల్ లెవెల్ లో తెరకెక్కించే సన్నాహాలు జరుగుతున్నాయి. సెట్స్ లో పాల్గొనే 3600 మంది జూనియర్ ఆర్టిస్టులను VFX సహాయం తో మల్టిప్లై చేస్తూ , ఏకంగా 50000 మంది వానరులు లంకపై దాడి చేసేట్టుగా చూపించబోతున్నారు. ఈ ఎపిసోడ్ ని అనుసరిస్తూ ‘కుంభకర్ణుడు’ తో శ్రీరాముడి మహాయుద్ధం సన్నివేశాన్ని కూడా చిత్రీకరించబోతున్నారు రాజమౌళి.
ఈ యుద్ధ ఘట్టం నిడివి వెండితెర పై దాదాపుగా 20 నిమిషాల వరకు ఉంటుందట. సాధారణంగా రామాయణం అంటే మన మేకర్స్ ఎల్లప్పుడూ రాముడు , రావణుడి మధ్య పోరాటాలనే చూపిస్తుంటారు , కానీ రాజమౌళి కాస్త భిన్నంగా ఆలోచిస్తూ కుంభకర్ణుడితో జరిగిన మహా యుద్దాన్ని వెండితెర పై ఆవిష్కరించబోతున్నారు. కేవలం ఈ యుద్ధ సన్నివేశం కోసం అసఙ్ఖారాల 200 కోట్ల రూపాయిలను ఖర్చు చేస్తున్నారట. ఇటీవలే ఫ్రాన్స్ పర్యటనలో భాగంగా రాజమౌళి అక్కడి ప్రేక్షకులకు ఈ చిత్రానికి సంబంధించిన కొన్ని ప్రత్యేకమైన విజువల్ క్లిప్స్ ని ప్రదర్శించి చూపించారు. వాటికి అక్కడి ఆడియన్స్ నుండి అద్భుతమైన రెస్పాన్స్ వచ్చింది. రాజమౌళి విజన్ కి తగ్గట్టుగా ఈ సినిమా ఔట్పుట్ వస్తే మాత్రం, ఈసారి హాలీవుడ్ రికార్డ్స్ డేంజర్ లో పడుతాయి అనడంలో ఎలాంటి సందేహం లేదు. చూడాలి మరి ఏప్రిల్ 7 న రాజమౌళి సృష్టించే అద్భుతాలు ఏ రేంజ్ లో ఉండబోతున్నాయి అనేది.
