Unstoppable: నందమూరి బాలకృష్ణ సినిమాలంటేనే ఓ రకమైన క్రేజ్ను సంతరించుకున్నాయి. ఒకప్పుడు ఆయనకంటూ ప్రత్యేకంగా ఫ్యాన్స్ ఉన్నప్పటికీ.. ఈ జనరేషన్లో చిన్నా, పెద్దా అనే తేడా లేకుండా అందరూ ఆయన అభిమానులే అయిపోయారు. బాలయ్య నుంచి సినిమా వస్తుందంటే చాలు.. ప్రేక్షకులంతా అభిమానులే అంటుంటారు. ఇదే జోరుతో బాలయ్య ఆహా వేదికగా తొలిసారి హోస్ట్గా వ్యవహరిస్తున్న షో అన్స్టాపబుల్. ఇప్పటికే వచ్చిన ఎపిసోడ్స్ షోపై మంచి ఆసక్తిని రేకెత్తించాయి.
స్టార్ హీరోలు, డైరక్టర్లతో చిట్చాట్ పెడుతూ.. పలు ఆసక్తికర విషయాలు బయటకు రప్పిస్తూ.. అందరితో సరదాగా ఆడిస్తూ.. పాడిస్తూ షోను మంచి రక్తి కట్టిస్తున్నారు బాలయ్య.. ఇప్పటి వరకు 5 ఎపిసోడ్లు పూర్తి చేసుకున్న ఈ షో.. ఆరో ఎపిసోడ్లో అల్లు అర్జున్ను దింపేందుకు సిద్దమైంది. డిసెంబరు 25న ఈ ఎపిసోడ్ విడుదల కానున్న సంగతి తెలిసిందే.
Also Read: బాలకృష్ణ “అన్ స్టాపబుల్” షో లో సందడి చేయనున్న “పుష్ప”రాజ్… స్ట్రీమింగ్ ఎప్పుడంటే
అయితే, తాాజాగా, ఈ ఎపిసోడ్ రిలీజ్ కాకముందే ఎపిసోడ్ 7కు సంబంధించిన ప్రోమోను రిలీజ్ చేసింది ఆహా. ఇందులో మాస్ రాజా రవితేజ, దర్శకుడు గోపిచంద్ మలినేనిలను గెస్ట్లుగా ఆహ్వానించారు. ఈ క్రమంలోనే ప్రోమోలో బాలయ్య, రవితేజల మధ్య సంభాషణ అదిరిపోయింది. ప్రోమో స్టార్టింగ్లోనే మనిద్దరి మధ్య గొడవలున్నాయంటా..నిజమేనా.. అని బాలయ్య అడగ్గానే.. రవితేజ.. నవ్వుతూ.. పనిపాట లేని డాష్గాళ్లకు అదే పని అంటూ నవ్వులు పూయిస్తూనే షో స్టార్ట్ చేసినట్లు తెలుస్తోంది. ఈ క్రమంలోనే అనేక ప్రశ్నలు, సమాధానాలతో పాటు వ్యక్తిగతమైన పలు ఆసక్తికర విషయాలు కూడా ఈ షోలో రవితేజ పంచుకున్నట్లు ప్రోమో చూస్తుంటే తెలుస్తోంది. డిసెంబరు 31న ఆహాలో ఈ ఎపిసోడ్ స్ట్రీమింగ్ కానుంది.
Also Read: చిరు, బాలయ్య, మోహన్బాబులపై గాసిప్స్ బాగా మాట్లాడుకుంటాం- రాజమౌళి
