Trisha unfollows CM Vijay: గత కొంత కాలం నుండి సోషల్ మీడియా లో నేషనల్ వైడ్ గా హాట్ టాపిక్ గా మారిన జంట విజయ్ – త్రిష. తమిళనాడు రాజకీయాల్లో ఈ జంట సృష్టించిన ప్రభంజనం సాధారణమైనది కాదు. త్రిష బలవంతం వల్లే విజయ్ పార్టీ పెట్టాడని , అతని సీఎం అవ్వడానికి త్రిష లక్ కూడా బాగా కలిసొచ్చిందని , త్వరలోనే అధికారికంగా వీళ్లిద్దరు పెళ్లి చేసుకోబోతున్నారు అంటూ పెద్ద ఎత్తున ప్రచారం సాగింది. అంతే కాదు , ఈ జంట ‘అవును.. నిజమే.. మేమిద్దరం ప్రస్తుతం డేటింగ్ చేసుకుంటున్నాము’ అని పలు సందర్భాల్లో బహిరంగంగా చెప్పకనే చెప్పారు. అయితే గత వారం రోజుల నుండి విజయ్ తన భార్య సంగీత తో కలిసిపోతున్నాడని , కుటుంబ సభ్యులు వీళ్ళ మధ్య ఉన్న అభిప్రాయ భేదాలను తొలగించారని , ఇలా రకరకాల వార్తలు ప్రచారం అయ్యాయి.
వీటిని అభిమానులు ముందు నమ్మలేదు కానీ, నిన్న విజయ్ పుట్టినరోజు సందర్భంగా త్రిష నుండి శుభాకాంక్షలు ట్వీట్ రాకపోవడంతో , వీళ్లిద్దరి మధ్య నిజంగానే గ్యాప్ ఏర్పడిందా అనే సందేహాలు వ్యక్తం అవుతున్నాయి. దానికి తోడు విజయ్ ని త్రిష ఇన్ స్టాగ్రామ్ అకౌంట్ లో ‘Unfollow’ అయ్యిందంటూ పెద్ద ఎత్తున వార్తలు వినిపిస్తున్నాయి. ఇది నిజమో కాదో తెలుసుకునేందుకు ఇన్ స్టాగ్రామ్ లో త్రిష ప్రొఫైల్ లోకి వెళ్లి ‘ఫాలోయింగ్’ లిస్ట్ చూస్తే అందులో విజయ్ పేరు లేదు. అంటే నిజంగానే త్రిష ‘Unfollow’ అయ్యిందా?, లేదా మొదటి నుండే విజయ్ ని ఆమె ఫాలో అవ్వడం లేదా?, దీని పై స్పష్టమైన క్లారిటీ లేదు అంటూ కొందరు కామెంట్స్ చేస్తున్నారు. కానీ వీళ్ళిద్దరిని మొదటి నుండి అనుసరిస్తున్న వాళ్ళు చెప్పేది ఏమిటంటే , అసలు విజయ్ ని త్రిష మొదటి నుండే ఫాలో అవ్వడం లేదు , ఆమె ‘Unfollow’ అయ్యిందంటూ వస్తున్న వార్తల్లో ఎలాంటి నిజం లేదని అంటున్నారు.
ఏది ఏమైనా మరోసారి విజయ్ – త్రిష కలిసి ఏదైనా పబ్లిక్ ఈవెంట్ లో కనిపించేంత వరకు వీళ్లిద్దరి మధ్య గ్యాప్ ఏర్పడింది అంటూ వస్తున్న వార్తలకు ఫుల్ స్టాప్ పడే అవకాశం లేదు. ఇకపోతే త్రిష కెరీర్ ప్రస్తుతం పీక్ రేంజ్ లో కొనసాగుతోంది. రీసెంట్ గానే హీరోయిన్ గా నటించిన ‘కరుప్పు’ చిత్రం ఎంత పెద్ద కమర్షియల్ హిట్ గా నిల్చిందో అందరికీ తెలిసిందే.వరుస డిజాస్టర్ ఫ్లాప్స్ లో ఉన్న సూర్య ని సక్సెస్ ట్రాక్ లోకి తీసుకొచ్చిన చిత్రమిది. ఇప్పుడు ఆమె హీరోయిన్ గా నటించిన లాంగ్ అవైటెడ్ ప్రాజెక్ట్ ‘విశ్వంభర’ చిత్రం విడుదల సిద్ధం అవ్వబోతుంది.
