దర్శక దిగ్గజం రాజమౌళి ప్రతిష్టాత్మకంగా తెరకెక్కిస్తున్న మూవీ ‘ఆర్ఆర్ఆర్’. పాన్ ఇండియా మూవీ రాబోతున్న ఈ మూవీలో మెగా పవర్ స్టార్ రాంచరణ్ అల్లూరి సీతరామరాజుగా.. జూనియర్ ఎన్టీఆర్ కొమురంభీంగా నటిస్తున్నారు. నందమూరి.. మెగా హీరోలు ఒకే స్ర్కీన్ పై కన్పించబోతుండటంతో అభిమానులు ఖుషీ అవుతున్నారు.
‘ఆర్ఆర్ఆర్’ నుంచి ఇప్పటికే రెండు టీజర్లు రిలీజై సెన్షషన్ క్రియేట్ చేశాయి. తాజాగా ‘రామరాజు ఫర్ భీమ్’ టీజర్ విడుదలై అభిమానులను ఎంతోగానో ఆకట్టుకుంది. కాగా ఈ టీజర్లో చివర్లో ఎన్టీఆర్(కొమురంభీమ్)ను ముస్లిం గెటప్ లో చూపించడం వివాదానికి కారణమైంది. కొమురంభీం చరిత్రను దర్శకుడు రాజమౌళి తప్పుగా చూపిస్తున్నాయనే విమర్శలు వెల్లువెత్తుతోన్నాయి.
దర్శకుడు రాజమౌళి కొమురంభీం చరిత్రను పూర్తిగా తెలుసుకొని సినిమా చేయాలని కొమురంభీం యువసేన సూచించింది. కొమురంభీంకు ముస్లిం టోపీ పెట్టడాన్ని తాము తీవ్రంగా వ్యతిరేకిస్తున్నామని ప్రకటించింది. గిరిజనుల మనోభావాలు దెబ్బతీయడం సరైందని కాదని దర్శకుడు రాజమౌళికి సూచించారు.
