Pawan Kalyan gifts car: ఒకప్పుడు పవన్ కళ్యాణ్(Deputy CM Pawan Kalyan) అభిమానులకు ‘గబ్బర్ సింగ్’ చిత్రం ఒక ఎమోషన్. ఎందుకంటే వరుసగా డిజాస్టర్ ఫ్లాప్ సినిమాలను అందుకుంటున్న సమయంలో ఆయన నుండి వచ్చిన భారీ బ్లాక్ బస్టర్ హిట్ కాబట్టి. ఇప్పుడు పవన్ కళ్యాణ్ అభిమానులకు ‘ఓజీ'(They Call Him OG) సినిమా అలాంటిది. సుజిత్ దర్శకత్వం లో ఈ సినిమాని ప్రకటించిన రోజు నుండే అభిమానుల్లో, ప్రేక్షకుల్లో అంచనాలు ఎవ్వరూ ఊహించని రేంజ్ ఏర్పడ్డాయి. ఆ అంచనాలకు తగ్గట్టుగా ఈ విడుదల చేసిన గ్లింప్స్ వీడియో కి సెన్సేషనల్ రెస్పాన్స్ వచ్చింది. ఇక అక్కడి నుండి ఈ సినిమాపై క్రేజ్ ఎవ్వరూ ఊహించని రేంజ్ కి వెళ్ళింది. విడుదలకు ముందు కేవలం అడ్వాన్స్ బుకింగ్స్ ద్వారానే ఈ చిత్రానికి 100 కోట్లకు పైగా గ్రాస్ వసూళ్లు వచ్చాయి అంటేనే అర్థం చేసుకోవచ్చు. ఈ సినిమాపై అభిమానుల్లో ఎలాంటి అంచనాలు ఉన్నాయి అని చెప్పడానికి.
అలా భారీ అంచనాల నడుమ విడుదలైన ఈ చిత్రం కమర్షియల్ గా పెద్ద బ్లాక్ బస్టర్ హిట్ అయ్యింది. కాంతారా 2 లాంటి సినిమా పోటీకి వచ్చినప్పటికీ కూడా ఈ సినిమాకు 316 కోట్ల రూపాయలకు పైగా గ్రాస్ వసూళ్లు వచ్చాయి అంటేనే అర్థం చేసుకోవచ్చు, ఈ సినిమా రేంజ్ ఏంటి అనేది. ఓటీటీ లో కూడా ఆడియన్స్ ఈ చిత్రానికి బ్రహ్మరథం పట్టారు. ఇదంతా పక్కన పెడితే ముఖ్యంగా డైరెక్టర్ సుజిత్ పని తీరు పవన్ కళ్యాణ్ కి బాగా నచ్చింది. పని చేస్తే ఇలాంటి డైరెక్టర్స్ తోనే పని చెయ్యాలి అని ఆయన సక్సెస్ మీట్ లో కూడా చెప్పుకొచ్చాడు. అయితే నేడు తనకు ఓజీ లాంటి సినిమా ని అందించినందుకు పవన్ కళ్యాణ్ డైరెక్టర్ సుజిత్ కి ఖరీదైన కారుని బహుమతిగా అందించాడు. దీనికి సంబంధించిన ఫోటోలను సుజిత్ సోషల్ మీడియా లో షేర్ చేసి ఎంతో మురిసిపోయాడు.
ఆయన మాట్లాడుతూ ‘నా జీవితం లో ఇప్పటి వరకు వచ్చిన ది బెస్ట్ బహుమతి ఇదే. నా నోటి నుండి నేడు మాటలు రావడం లేదు. నా ఓజీ కళ్యాణ్ గారి నుండి ఇంత ప్రేమ , ఆప్యాయత ని సొంతం చేసుకోవడం నా అదృష్టం. చిన్నతనం నుండి ఆయన వీరాభిమాని గా పెరిగిన నాకు ఇది ఎంతో స్పెషల్ స్పెషల్ మూమెంట్. జీవితాంతం మీకు రుణపడి ఉంటాను’ అని చెప్పుకొచ్చాడు డైరెక్టర్ సుజిత్. ఈ పోస్టు క్రింద అభిమానులు సాధ్యమైనంత తొందరగా ఓజీ 2 , ఓజీ 3 చిత్రాలను ప్రారంభించామని డిమాండ్ చేస్తున్నారు. ఈ రెండు సినిమాలను ఒకేసారి తీస్తానని, వచ్చే ఏడాది చివర్లో మొదలు పెడతాను అని, ఇప్పటికే సుజిత్ పలు ఇంటర్వ్యూస్ లో చెప్పుకొచ్చాడు.
Best gift ever ❤️❤️
Overwhelmed and grateful beyond words.
The love and encouragement from my dearest OG, Kalyan garu, means everything to me. From being a childhood fan to this special moment.
Forever indebted ❤️ pic.twitter.com/KuzBY4Jzon— Sujeeth (@Sujeethsign) December 16, 2025
