సూపర్ స్టార్ మహేశ్ బాబుతో త్రివిక్రమ్ శ్రీనివాస్ చేస్తోన్న పాన్ ఇండియా సినిమా షూటింగ్ నవంబర్ 7వ తేదీ నుంచి స్టార్ట్ కానుంది. ఓ యాక్షన్ సీక్వెన్స్ తో షూట్ ను స్టార్ట్ చేయాలని త్రివిక్రమ్ ప్లాన్ చేస్తున్నాడు. ఇక ఈ సినిమాలో మహేష్ కి విలన్ గా తమిళ హీరో మాధవన్ నటించనున్నాడు.
ప్రకాశ్ రాజ్ మెయిన్ లీడ్ లో కృష్ణవంశీ దర్శకత్వంలో వస్తోన్న సినిమా ‘రంగమార్తాండ’. కాగా ఈ సినిమా షూటింగ్ దాదాపు పూర్తి అయింది. ఓటీటీ వేదికగా ఈ సినిమాని రిలీజ్ చేయాలని కృష్ణవంశీ ప్లాన్ చేస్తున్నాడు. జీ5 తో ఇప్పటికే చర్చలు కూడా మొదలయ్యాయి. త్వరలోనే అధికారిక ప్రకటన రానుంది.
నాని ‘శ్యామ్ సింగ రాయ్’ సినిమా రిలీజ్ పై ఎటు తేల్చుకోలేకపోతున్నాడు. ఈ సినిమా నిర్మాతలు ఓటీటీకి అమ్మాలని ఆశ పడుతున్నారు. కానీ, నాని ఇప్పటికే థియేటర్స్ లోనే తన సినిమాని రిలీజ్ చేస్తానని మాట ఇచ్చాడు. ఇప్పటికే ఈ చిత్రం నిర్మాణానంతర కార్యక్రమాలు పూర్తి అయ్యాయి. ప్రస్తుతానికి నిర్మాతల నిర్ణయమే ఫైనల్ అని తెలుస్తోంది.
నటసింహం బాలయ్య బాబుతో యాక్షన్ డైరెక్టర్ బోయపాటి శ్రీను చేస్తోన్న ‘అఖండ’ సినిమా షూటింగ్ పూర్తి అయింది. ఈ రోజు నుంచి ఈ సినిమా డబ్బింగ్ మొదలుకానుంది. ఈ సినిమాలో ప్రగ్యా జైస్వాల్ కి సింగర్ గీతామాధురి ఈ రోజు నుంచి డబ్బింగ్ చెప్పనుంది.
