ఆ ఐదు సినిమాల విషయానికి వస్తే.. సత్యదేవ్ నటించిన ‘తిమ్మరుసు’ ఒకటి కాగా, యంగ్ హీరో తేజ సజ్జ నటించిన ‘ఇష్క్’ సినిమా మరొకటి. ఈ రెండు సినిమాలు ఈ నెల 30న రిలీజ్ కి సన్నద్ధం అయ్యాయి. అలాగే ఈ చిత్రాలతో పాటు మరో మూడు చిన్న సినిమాలు కూడా బాక్సాఫీస్ వద్ద తమ తమ అదృష్టాన్ని పరీక్షించుకోబోతున్నాయి.
ఆ సినిమాల విషయానికి వస్తే.. ‘త్రయం’, ‘నరసింహపురం’, ‘పరిగెత్తు పరిగెత్తు’ అనే మూడు చిన్న చిత్రాలు కూడా జులై 30నే థియేటర్ లోకి రావడానికి ప్రయత్నాలు మొదలుపెట్టాయి. ఈ మేరకు ఈ సినిమాలు పోస్టర్స్ ను కూడా రిలీజ్ చేశాయి. అయితే, అడ్రస్ లేని ఈ సినిమాలకు ఓపెనింగ్స్ ఎంతవరకు వస్తాయి అన్నదే ఇక్కడ డౌట్.
దీనికితోడు ఈ సినిమాల హీరోలు, దర్శకులెవ్వరూ అనేది ఎవరికీ తెలియదు. ఈ లెక్కన ఈ సినిమాలకు పోస్టర్స్ ఖర్చుల డబ్బులు అయినా వస్తాయా అన్నదే ఇక్కడి ప్రశ్న. ఇక ఈ మూడు చిన్న సినిమాల విషయాన్ని పక్కన పెడితే.. ‘తిమ్మరుసు’, ‘ఇష్క్’ సినిమాలకు కాస్త ఓపెనింగ్స్ వచ్చే అవకాశం ఉంది. కాకపోతే సినిమాలకు ప్రేక్షకులు వస్తారా ? రారా ? అనేది ఈ వీకెండ్ తేలిపోతుంది.
