Tasty Teja: బిగ్ బాస్ సీజన్ 7 లో ఎంట్రీ ఇచ్చిన టేస్టీ తేజ తనదైన శైలిలో అందరినీ ఆకట్టుకున్నాడు. జోక్స్ తో నవ్విస్తూ బెస్ట్ ఎంటర్టైనర్ గా పేరు తెచ్చుకున్నాడు. అతి తక్కువ ఫ్యాన్ బేస్ తో హౌస్ లో కి అడుగుపెట్టిన తేజ దాదాపు తొమ్మిది వారాలు ఉన్నాడు. అయితే బిగ్ బాస్ నుంచి ఎలిమినేట్ అయి బయటకు వచ్చిన తేజ బిహేవియర్ కాస్త వింతగా అనిపించింది. మీడియా తో, సన్నిహితులతో ఆయన ప్రవర్తించిన తీరు సోషల్ మీడియాలో హాట్ టాపిక్ గా మారింది.
హౌస్ లోకి వెళ్ళక ముందు తేజ యూట్యూబ్ లో సెలెబ్రేటిస్ తో ఫుడ్ బ్లాగ్స్ చేస్తూ ఫేమస్ అయ్యాడు. కాగా బిగ్ బాస్ నుంచి ఆఫర్ రావడంతో ఆయన సన్నిహితుల,మీడియా వర్గాలు సంతోషించారు. బిగ్ బాస్ ద్వారా వచ్చిన క్రేజ్ తో ప్రస్తుతం తేజ మీడియా ని యూట్యూబ్ వారిని కించపరిచేలా మాట్లాడటం వివాదానికి దారి తీసింది. ప్రస్తుతం తెలంగాణలో ఎన్నికలు జరుగుతున్న నేపథ్యంలో ర్యాలీలు,బహిరంగ సభలు, టపాసులు పేల్చడం పై పోలీసులు ఆంక్షలు విధించారు.
వాటిని పట్టించుకోకుండా తేజ బాంబులు పేల్చి ఆ ప్రాంతంలోని వారిని అర్ధ రాత్రి ఇబ్బందికి గురి చేశారని చర్చనీయాంశంగా మారింది. తేజ ని ఊరేగింపుగా తీసుకు వచ్చిన కొందరు స్నేహితులు మద్యం సేవించి రోడ్డు పై రచ్చ చేయడంతో పోలీసులు రంగంలోకి దిగాల్సి వచ్చింది. ఇక వారిని అక్కడి నుంచి పంపించారు అని ప్రత్యక్ష సాక్షులు వెల్లడించారు.
కాగా టేస్టీ తేజ బిగ్ బాస్ హౌస్ లోకి వెళుతున్న సమయంలో మీడియా వర్గాలను సపోర్ట్ చేయమని కోరారు. ప్రస్తుతం బిగ్ బాస్ ఇంటి నుంచి బయటకు వచ్చిన తేజ మీడియాకు మొహం చాటేస్తున్నాడు. ఇంటర్వ్యూ లు ఇస్తానని చెప్పి రోజంతా వారిని విసిగించి తీరా మాట్లాడకుండా తిరిగి పంపించారు. దీంతో మీడియా వర్గాలు తేజ పై మండి పడుతున్నారు. కొందరు ఈ మాత్రం దానికే తేజకు తల పొగరు పెరిగిందని కామెంట్స్ చేస్తున్నారు.
@TastyTeja .#TastyTeja..#BiggBoss7#Bigbosstelugu7 pic.twitter.com/JyKkeOg9SV
— Venky (@Gvreddy25) November 6, 2023
