తనీష్ హీరోగా నటిస్తున్న కొత్త సినిమా మహాప్రస్థానం. జర్నీఆఫ్ ఆన్ ఎమోషనల్ కిల్లర్ అనేది ఈ చిత్రానికి ట్యాగ్ లైన్. మహాప్రస్థానం ఫస్ట్ లుక్, మోషన్ పోస్టర్ లను చిత్ర బృందం తాజాగా విడుదల చేసింది.
” గుండె కన్నీరైతే.. ఆవేశం ఆయుధమైతే..ఆ కత్తి రాసే రుధిర కావ్యమే ఈ మహాప్రస్థానం” అంటూ మహాప్రస్థానం మోషన్ పోస్టర్ మన ముందుకొచ్చింది
కత్తి పట్టుకున్న తనీష్ శత్రువులను తుదముట్టిస్తూ వయలెంట్ లుక్ లో కనిపించారు. భావోద్వేగం నిండిన వాయిస్ ఓవర్ తో మొదలైన మోషన్ పోస్టర్…మహాప్రస్థానం టైటిల్ సాంగ్ బిట్ తో పూర్తయింది. సినిమా కథలోని లోతును, ఎమోషనల్ కిల్లర్ గా తనీష్ పాత్రలోని ఫైర్ ను మోషన్ పోస్టర్ చూపించింది. ఓంకారేశ్వర క్రియేషన్స్ పతాకంపై దర్శకుడు జాని ఈ చిత్రాన్ని రూపొందిస్తున్నారు. ముస్కాన్ సేథీ నాయికగా నటిస్తోంది. వరుడు ఫేమ్ భానుశ్రీ మెహ్రా, కబీర్ దుహాన్ సింగ్, రాజా రవీంద్ర కీలక పాత్రలు పోషిస్తున్నారు. మంచి క్వాలిటీతో శరవేగంగా చిత్రీకరణ పూర్తి చేసుకున్న మహాప్రస్థానం సిినిమా ప్రస్తుతం పోస్ట్ ప్రొడక్షన్ కార్యక్రమాలనూ అంతే వేగంగా జరుపుకుంటోంది. ప్రస్తుతం రీరికార్డింగ్ పనుల్లో ఉన్న ఈ సినిమా వేసవి విడుదలకు సిద్ధమవుతోంది.
