Jayamma Panchayithi Movie: టాలీవుడ్ బుల్లితెరపై స్టార్ యాంకర్ గా నిలిచిన సుమ గురించి అందరికీ తెలిసిందే. తన యాంకరింగ్ తో ఎంతోమందిని ఆకట్టుకొని మంచి అభిమానాన్ని సొంతం చేసుకుంది. వెండితెరపై కూడా పలు సినిమాలలో నటించింది సుమ. ఎన్నో షోలలో యాంకరింగ్ చేసింది.. చేస్తూనే ఉంది. వాస్తవానికి ఆమె కేరళకు చెందిన మహిళే అయినా.. తెలుగు, హిందీ, మలయాళం భాషల్లోనూ అనర్గళంగా మాట్లాడటం ఆమె స్పెషాలిటీ. యాంకరింగ్ రంగంలో ఆమె స్థానం ఎప్పుడూ సుస్థిరమనే చెప్పాలి. ఫ్యాన్స్ మొదలు స్టార్స్ వరకు ప్రతి ఒక్కరూ ఆమె యాంకరింగ్ కు ఫిదా కావాల్సిందే. ఆమె మాటలు, పరిస్థితులకు అనుగుణంగా వేసే పంచులూ అందరినీ ఆకట్టుకుంటాయి. స్టార్ మహిళ, భలే చాన్సులే వంటి టీవీ ప్రోగ్రామ్స్తో మంచి గుర్తింపు సంపాదించుకుంది సుమ.
దేవదాస్ కనకాల డైరెక్టర్ చేసిన మేఘమాల సీరియల్లో సుమ యాక్ట్ చేస్తున్న సమయంలో సదురు డైరెక్టర్ కొడుకు రాజీవ్ కనకాలతో పరిచయం ఏర్పడింది. తర్వాత వీరిద్దరూ పెళ్లి చేసుకున్నారు. తాజాగా సుమ యాక్ట్ చేసిన మూవీ జయమ్మ పంచాయితీ. ఈ మూవీని బాలగ ప్రకాశ్ డైరెక్ట్ నిర్మిస్తుండగా… విజయ్ కుమార్ డైరెక్షన్ చేస్తున్నారు. ఇక ఈ మూవీకి ఎంఎం కీరవాణి మ్యూజిక్ అందిస్తుండటం మరో విశేషం. అయితే తాజాగా ఈ సినిమాకు సంబంధించి అదిరిపోయే అప్డేట్ ను ప్రకటించింది. ఈ మూవీ టీజర్ను ఆదివారం ఉదయం 11.07 నిమిషాలకు రిలీజ్ చేయనున్నట్లు మూవీ యూనిట్ ప్రకటించింది. కాగా ఈ టీజర్ ను యంగ్ అండ్ టాలెంటెడ్ హీరో దగ్గుబాటి రానా చేతుల మీదుగా రిలీజ్ చేస్తారని వెల్లడించారు. ఈ మేరకు సోషల్ మీడియా వేదికగా ఒక పోస్టర్ ను కూడా రిలీజ్ చేసింది. ఇక ఇందులో పల్లెటూరి మహిళ పాత్రలో సుమ కనిపించనుంది.
ThankU @RanaDaggubati for agreeing to launch #JayammaTeaser
Tmrw @ 11:07AM
I am just waiting to show the world our movie team's work.#JayammaPanchayathi Stay tuned!@mmkeeravaani @VijayKalivarapu @Anushkumar04 @PrakashBalaga @dinesuuukumar #Shalini @vennelacreation @adityamusic pic.twitter.com/10CuFgEDyX— Suma Kanakala (@ItsSumaKanakala) December 11, 2021
