మెగా స్టార్ చిరంజీవితో సినిమా చేసే అవకాశం రావడం అంటే దాదాపు అందరి దర్శకులకు పండగే. నిజానికి చిరంజీవి గారికి కథ చెప్పి వప్పించడం అంత తేలికైన విషయం కాదు. కథాకథనాలపై 150 సినిమాల అనుభవం ఆయనది . దాంతో కథ ఫై ఆయన అనేక సందేహాలను వ్యక్తం చేస్తారు. ఆ విషయంలో చిరంజీవి గారిని ఒప్పించడం అంటే ఆషామాషీ వ్యవహారం కాదు .చాలా ఓర్పు , నేర్పు కావాలి .మరి అలాంటి మెగా స్టార్ తో సినిమా చేసే అవకాశాన్ని కొంతమంది యువ దర్శకులు చాలా లక్కీగా సొంతం చేసుకున్నారు.
సురేందర్ రెడ్డి .. రామ్ చరణ్ తో ధృవ సినిమా చేయాలని వస్తే, చెర్రీ ఆయనకి చిరంజీవితో ‘సైరా’ సినిమా చేసే ఛాన్స్ ఇచ్చాడు. సురేందర్ రెడ్డి విషయంలో చిరంజీవిని రామ్ చరణ్ గట్టిగానే పట్టుబట్టి ఒప్పించాడు. అలాగే కొరటాల శివ కూడా రామ్ చరణ్ కి ఒక కథ చెప్పడానికి వస్తే తను `ఆర్ ఆర్ ఆర్` సినిమా నుంచి రిలాక్స్ కావడానికి సమయం పడుతుందంటూ తండ్రి దగ్గరికి పంపించాడట. అలా ‘ఆచార్య’ సినిమా కొరటాల ఖాతాలో పడింది .ఇక రీసెంట్ గా `సాహో` ఫేమ్ సుజీత్ కూడా చెర్రీకి కథ చెప్పడానికే వెళ్లాడట. తమ కాంబినేషన్లో సినిమా తరవాత ముందు ఈ ‘లూసిఫర్’ సినిమా రీమేక్ చేయమని అన్నాడట. అలా చిరంజీవితో సినిమా చేసే ఛాన్స్ ను సుజీత్ కి అప్పగించాడట .మొత్తం ఈ వ్యవహారం లో .విశేషం ఏమిటంటే ఫై మూడు సినిమాలకు రామ్ చరణ్ నిర్మాత కావడం ..
