Star Heroes: సినిమా ఇండస్ట్రీ అనగానే స్టార్ హీరోలు మాత్రమే గుర్తుకు వస్తారు…కారణం వాళ్ళకి ఉన్న క్రేజ్, వాళ్ల మీద ప్రేక్షకులు పెంచుకున్న అభిమానం ఇవి అన్ని కలిపి సినిమా అంటే స్టార్ హీరో అనే రేంజ్ కి తీసుకువచ్చాయి. ఇప్పుడున్న స్టార్ హీరోలు వాళ్ళ ఇమేజ్ ను పెంచుకోవడానికి వాళ్లకు కావాల్సినట్టుగా సినిమాలను తెరకెక్కిస్తున్నారు. కొంతమంది హీరోలయితే దర్శకులను పక్కన పెట్టీ వాళ్ళే డైరెక్షన్ చేసేసుకుంటున్నారు. ఇప్పటివరకు టాప్ హీరోలుగా వెలుగొందుతున్న చాలా మంది హీరోలు ఇదే పద్ధతిని ఫాలో అవుతున్నారు. ఇది చూస్తున్న ఆయా మూవీస్ డైరెక్టర్స్ మాత్రం హీరోలే సినిమాలు వాళ్ళకి నచ్చినట్టుగా తీసుకున్న తర్వాత ఇక మేము ఉంది దీనికి అంటూ చాలామంది దర్శకులు సైతం నిరుత్సాహాన్ని వ్యక్తం చేస్తున్నారు. ఇక ఇదంతా చూస్తున్న సినిమా మేధావులు సైతం దర్శకుల పనిలో హీరోలు ఎందుకు వేలు పెట్టడం అనే చర్చలు కొనసాగిస్తున్నారు. కొంతమంది స్టార్ హీరోలు మాత్రం దర్శకులకు పూర్తిగా సరెండర్ అయిపోయి వాళ్లు ఏం చెప్తే అది చేసుకుంటూ వెళ్తున్నారు. కానీ ఇంకొంతమంది హీరోలు మాత్రం వారికి దర్శకత్వం విభాగంలో ఎంతో కొంత ప్రావీణ్యం ఉండడం వల్ల వాళ్లకు తగ్గట్టుగా సినిమాలను తెరకెక్కించాలని దర్శకుల మీద ఒత్తిడి తెస్తున్నారు. ఇక దానికి తగ్గట్టుగానే వాళ్లను ఫోర్స్ చేసి మరి వాళ్లతో సినిమాలను చేయించుకుంటున్నారు. ఇక ఏది ఏమైనా కూడా తెలుగు సినిమా ఇండస్ట్రీ లో ఉన్న దర్శకుల కెరియర్ తో స్టార్ హీరోలు ఆటలాడుకుంటున్నారు అంటూ మరి కొంతమంది సినిమా మేధావులు సైతం వాళ్ళ అభిప్రాయాల్ని తెలియజేస్తున్నారు.
ఇప్పటివరకు చాలామంది దర్శకులు ఇలా హీరోల చేతుల్లో నలిగిపోయిన వారే కావడం వల్ల అందుకే వాళ్ళు మీడియం రేంజ్, చిన్న హీరోలతో సినిమాలను చేయడానికి ఆసక్తి చూపిస్తున్నారు… స్టార్ హీరోలు ఎందుకని అలా చేస్తున్నారు దాని వల్ల వాళ్ళ కెరియర్ కి కూడా ప్రమాదం వాటిల్లే అవకాశం ఉంది కదా అంటే వాళ్లకు డైరెక్షన్ చేయాలని ఆశ ఉంటుంది.
స్వతహాగా డైరెక్షన్ చేస్తే ఏదైనా తేడా జరిగితే వల్ల మార్కెట్ కి ఇబ్బంది కలుగుద్ది కాబట్టి దర్శకుడు చేసే పనిలో వాళ్ల ఇన్వాల్వ్మెంట్ ఉండాలనుకుంటున్నారు.అలా చేయడం వల్ల ఆ మూవీ హిట్ అయితే ఇది నా వల్లే హిట్ అయిందని చెప్పుకుంటారు. దాంతో మనకి కూడా దర్శకత్వం చేసే కెపాసిటీ ఉందనే నమ్మకం వాళ్ళకి కలుగుతుంది.
ఒకవేళ సినిమా తేడా కొడితే మాత్రం అదంతా దర్శకుడు మీద తోసేసి దర్శకుడు వల్లే సినిమా ఫ్లాప్ అయిందని చెప్పుకుంటున్నారు. దీనివల్ల సినిమా ప్లాప్ అఅవ్వడమే కాకుండా కొంత మంది దర్శకుల కెరియర్లు కూడా నాశనం అయిపోతున్నాయి. వీటిని దృష్టిలో ఉంచుకొని హీరోలు వాళ్ల పనులు చేసుకుంటే బాగుంటుందని విమర్శకులు సైతం వాళ్ల అభిప్రాయాలను తెలియజేస్తున్నారు…
