Senior NTR Chiranjeevi Balakrishna Movie Story: తెలుగు సినిమా ఖ్యాతిని పెంచిన హీరోల్లో నందమూరి తారక రామారావు మొదటి స్థానంలో ఉంటాడు. తెలుగు సినిమా ఇండస్ట్రీ తమిళ్ ఇండస్ట్రీ నుంచి సపరేట్ అయిన తర్వాత ఎన్టీఆర్, నాగేశ్వరరావు ఇద్దరు తెలుగు సినిమా ఇండస్ట్రీని టాప్ లెవల్ కి తీసుకెళ్లారు. ముఖ్యంగా విభిన్న తరహా పాత్రలను పోషిస్తూ ప్రేక్షకులను అలరించాడు. అలాగే తమిళ్ ఇండస్ట్రీ నుంచి ఎదురయ్యే పోటీని తట్టుకొని సినిమా ఇండస్ట్రీని ముందుకు తీసుకెళ్లిన ఘనత కూడా తనకే దక్కుతుంది. అయితే ఆయన సినిమా ఇండస్ట్రీ నుంచి తప్పుకునే సమయానికి మెగాస్టార్ చిరంజీవి ఇండస్ట్రీలో టాప్ హీరోగా మారాడు… దాంతో ఎన్టీఆర్ బాలయ్యను చిరంజీవిని పెట్టి ఒక మల్టీ స్టారర్ సినిమా చేయడానికి సన్నాహాలు చేశాడు.
Also Read: ఆ పెంపుడు కుక్కతోనే అమెరికాకు అణుముప్పు.. ఇంటెలిజెన్స్ సంచలన నివేదిక..
అయితే కథ కూడా మాస్ ఓరియెంటెడ్ సినిమాగా తెరకెక్కుతుందనే వార్తలు వచ్చాయి. చాలామంది రైటర్లు ఆ సినిమా కథని చాలా పకడ్బందీగా ప్లాన్ చేశారు. కానీ అనుకోని కారణాలవల్ల ఆ సినిమా పట్టాలైతే ఎక్కలేదు. నిజానికి సీనియర్ ఎన్టీఆర్ మంచి దర్శకుడు. దానవీరశూరకర్ణ అనే సినిమాని చాలా హై లెవెల్లో తీసి సూపర్ సక్సెస్ గా నిలిపాడు.
అలాంటి ఎన్టీఆర్ చిరంజీవి, బాలయ్యలతో ఒక అదిరిపోయే బ్లాక్ బాస్టర్ తియ్యాలని అనుకున్నారు. కానీ అది వర్కౌట్ కాలేదు చిరంజీవి సైతం ఎన్టీఆర్ దర్శకత్వంలో నటించడానికి ఆసక్తి చూపించాడు. ఇక బాలయ్య గురించి మనం ప్రత్యేకంగా చెప్పాల్సిన పని లేదు. ఎన్టీఆర్ ఏది చెబితే అది ఓకే అంటాడు. ఈ సినిమా వర్కౌట్ అయితే కనక ఒకే స్క్రీన్ లో మనం చిరంజీవిని బాలయ్య బాబుని చూసేవాళ్లం ఉంటూ చాలా మంది కామెంట్లు చేస్తున్నారు.
మొత్తానికైతే ఈ కాంబినేషన్ అప్పటినుంచి ఇప్పటివరకు వర్కౌట్ కాలేదు. ఇక ఎప్పుడైనా వీరిద్దరి కాంబినేషన్లో సినిమా వస్తే చూడాలని అటు నందమూరి అభిమానులు, ఇటు మెగా ఫ్యాన్స్ సైతం ఆసక్తి ఎదురు చూస్తున్నారు. ఇప్పుడు తొందర్లో వీళ్లిద్దరి కాంబినేషన్ లో సినిమా వస్తుందా? లేదా అనేది చూడాలి…
