Samantha: గత వారం రోజుల నుండి ప్రముఖ హీరోయిన్ సమంత తల్లి కాబోతుంది అంటూ సోషల్ మీడియా లో పడ్డ ఎత్తున ప్రచారం జరిగిన సంగతి తెలిసిందే. గత ఏడాది డిసెంబర్ లో ప్రముఖ దర్శక నిర్మాత రాజ్ నిడిమోరు ని పెళ్లాడిన సమంత , ఇప్పుడు గర్భం దాల్చిందని , అందుకే ఆమె తాజా చిత్రం ‘మా ఇంటి బంగారం’ ప్రొమోషన్స్ లో నిండు చీరతో కనిపించిందని, త్వరలోనే ఆమె గర్భం దాల్చిన విషయాన్నీ అధికారికంగా ప్రకటిస్తుందని సోషల్ మీడియా లో ప్రచారం సాగింది. దీనిపై సమంత ఎలాంటి క్లారిటీ ఇవ్వలేదు. మరోవైపు రాజ్ నిడిమోరు కూడా సైలెన్స్ మైంటైన్ చేస్తూ వచ్చాడు. అయితే నిన్న సమంత నటించిన ‘మా ఇంటి బంగారం’ చిత్రం భారీ అంచనాల నడుమ విడుదలై సూపర్ హిట్ గా నిల్చింది. ఈ సినిమా సక్సెస్ సెలబ్రేషన్స్ లో నేడు సమంత పాల్గొంది.
మూవీ టీం తో కలిసి ఆమె కేక్ కట్టింగ్ చేసి , క్రాకర్స్ కూడా కాల్చి సంబరాలు చేసుకుంది. ఈ సక్సెస్ సెలబ్రేషన్స్ లో ఆమె నీలం రంగు టీ షర్ట్ ని ధరించింది. ఈ టీ షర్ట్ ధరించినప్పుడు స్పష్టంగా ఆమె బేబీ బంప్ తో కనిపించడం అభిమానులు గమనించారు. దీంతో సమంత గర్భం దాల్చింది అంటూ వస్తున్న వార్తలు నిజమేనని అభిమానులు బలంగా ఫిక్స్ అయిపోయారు. మరి దీనిపై సమంత అధికారిక ప్రకటన ఎప్పుడు చేసిందో చూడాలి. నిజ జీవితం లో సమంత ఎదురుకున్నని సవాళ్లు బహుశా సినీ ఇండస్ట్రీ లో హీరోయిన్ గా కూడా ఎదురుకోలేదు అని చెప్పొచ్చు. నాగ చైతన్య తో విడాకులు తీసుకున్న తర్వాత ఆమె మానసికంగా చాలా కృంగిపోయింది. ఆ సమయం లోనే ఆమెకు మయోసిటిస్ వంటి ప్రాణాంతక వ్యాధి సోకింది. ఈ వ్యాధి కారణంగా ఆమె కనీసం ఆహరం కూడా తీసుకోలేని పరిస్థితి.
సరిగ్గా గంటసేపు పనిచేస్తే స్పృహ తప్పి పడిపోయే దుస్థితి. ‘సిటాడెల్ ‘ వెబ్ సిరీస్ ని ఆమె ఆక్సిజెన్ సిలిండర్ ని పెట్టుకొని చేసిందంటేనే అర్థం చేసుకోవచ్చు , ఎంత కష్టపడింది అనేది. అలాంటి సమంత నేడు మయోసిటిస్ వ్యాధి ని విజయవంతంగా జయించి , ఆరోగ్యంతో ఇప్పుడు మళ్లీ సినిమాలు చేస్తూ మన ముందుకొచ్చింది. అంతే కాదు, పండంటి బిడ్డకు ఆమె త్వరలోనే జన్మని కూడా ఇవ్వబోతుంది. అలా సవాళ్లు ఎదురుకుంటున్న ఆడవాళ్లకు సమంత ఒక గొప్ప రోల్ మోడల్ గా నిలిచింది. ఇకపోతే సెకండ్ ఇన్నింగ్స్ లో ఆమె కెరీర్ పరంగా కూడా పీక్ రేంజ్ ని చూస్తుంది. ఆమె నిర్మాతగా వ్యవహరించిన ‘శుభం’ చిత్రం కమర్షియల్ గా హిట్ అయ్యింది, ఇక నిన్న విడుదలైన ‘మా ఇంటి బంగారం’ చిత్రం మొదటి రోజే బ్రేక్ ఈవెన్ మార్కుని అందుకొని లాభాల్లోకి ఎంట్రీ ఇచ్చింది. ఇక రాబోయే రోజుల్లో సమంత ఇంకా ఎన్ని శిఖరాలను అధిరోహించబోతుందో చూడాలి.
తల్లికాబోతున్న సమంత..!!#MaaIntiBangaram సక్సెస్ సెలెబ్రేషన్స్ లో బేబి బంప్ తో కనిపించిన నటి..#Samantha #Tollywood pic.twitter.com/6X8Cdt0LX8
— TV9 Telugu (@TV9Telugu) June 20, 2026
