Salman Khan: బాలీవుడ్ స్టార్ హీరో కండలవీరుడు సల్మాన్ఖాన్ గురించి ప్రత్యేకంగా చెప్పనక్కర్లేదు. ముఖ్యంగా ఆయన ఫ్యాన్స్ కథే వేరు. ఆయన సినమా థియేటర్లలోకి వచ్చిందంటే చాలు అభిమానులకు పండగే. కాగా, ఇటీవలే రాధే : యువర్ మోస్ట్ వాంటెడ్ భాయ్ సినిమాతో ప్రేక్షకుల ముందుకు వచ్చారు సల్మాన్. తాజాగా, అంతిమ్ సినిమా కూడా విడుదలైంది. ఇందులో సల్మాన్ ఖాన్ పంజాబీ పోలీసు ఆఫీసర్గా అలరించారు.
https://www.instagram.com/tv/CWyH7ttomwV/?utm_source=ig_web_copy_link
నవంబరు 26న విడుదలైన ఈ సినిమాలో ఆయుష్ శర్మ కూడా కనిపించారు. మహేశ్ మంజ్రేకర్ దర్శకత్వం వహించిన ఈ సినిమా విడుదలైన తొలిరోజు నుంచే మంచి రెస్పాన్స్ అందుకుంది. అయితే, థియేటర్లలో సల్మాన్ భాయ్ అభిమానులు చేసిన ఓ పిచ్చి పని.. ప్రస్తుతం చర్చనీయాంశంగా మారింది. ఈ విషయాన్ని తనే స్వయంగా సోషల్మీడియా ద్వారా తెలిపి.. తన అభిమానులపై అసంతృప్తి వ్యక్తం చేశారు సల్మాన్ఖాన్.
ఈ వీడియోలో అంతిమ్ విడుదలైన థియేటర్లో అభిమానులు టపాసుు పేలుస్తూ కనిపించారు. దాని వల్ల మిగతా ప్రేక్షకులు కాస్త ఇబ్బంది పడినట్లు తెలుస్తోంది. సల్మాన్ కూడా ఇదే విషయాన్ని ప్రస్తావిస్తూ.. థియేటర్లో టపాసులు పేల్చడం మీకే కాదు, మీ చుట్టుపక్కల ఉన్నవారికీ ప్రమాదమే.. థియేటర్ ఓనర్లు.. ఇలాంటి చర్యలను ప్రోత్సహించకండి. ఎంట్రీలోనే ఇలాంటి పనులు జరగకుండా అడ్డుకోవాలి.. అంటూ ఇన్స్టాగ్రామ్ వేదికగా తెలిపారు. సినిమా అనేది ఎంజాయ్ చేయడానికి మాత్రమేనని అన్నారు. ప్రస్తుతంం ఈ వీడియో నెట్టింట వైరల్గా మారింది.