Sai Pallavi Bollywood Look: ఇండస్ట్రీ లో ఒక హీరోయిన్ కెరీర్ ఎక్కువ కాలం కొనసాగాలంటే కేవలం అందాల ఆరబోత ఉంటేనే కాదు , నటన తో కూడా అద్భుతంగా రాణించగలం అని నిరూపించిన హీరోయిన్స్ మన ఇండియా లో అతి తక్కువమంది మాత్రమే ఉన్నారు. ఆ తక్కువమందిలో ఒకరే సాయి పల్లవి. ఈమె చూసేందుకు మిగతా హీరోయిన్స్ తో పోలిస్తే పెద్ద అందంగా ఉండదు, మన ఇంట్లో అమ్మాయి ఎలా అయితే ఉంటుందో , అలాగే ఉంటుంది. కానీ ఈమె అద్భుతంగా నటించగలదు , అంతకు మించి డ్యాన్స్ వేయగలదు , అందుకే ఈమెకు ఫ్యాన్ ఫాలోయింగ్ ఏ హీరోయిన్ కి లేనంతగా ఉంది. అందరూ ఈమెని లేడీ పవర్ స్టార్ అని పిలుస్తుంటారు. అంటే మగవాళ్లలో పవన్ కళ్యాణ్ కి ఎలాంటి ఫ్యాన్ ఫాలోయింగ్ ఉందో , ఆడవాళ్ళలో సాయి పల్లవి కి అలాంటి ఫ్యాన్ ఫాలోయింగ్ ఉంది అన్నమాట.
దానికి తోడు ఈమె అవకాశాల కోసం ఏ రోజు కూడా అందాలు ఆరబోసే పొట్టి దుస్తుల్లో కనిపించలేదు. అలాంటి వాటికి ఈమె చాలా దూరం . ఒక గీత గీసుకొని , దానిని దాటకుండా ఇంతకాలం కాపాడుకుంటూ వచ్చింది. కానీ ఎప్పుడైతే ఈమె బాలీవుడ్ లోకి ఎంట్రీ ఇచ్చిందో , అప్పటి నుండి పూర్తి గా మారిపోయింది. రీసెంట్ గానే ఒక ఈవెంట్ కి వచ్చిన ఈమె , పొట్టి దుస్తుల్లో కనిపించడం అందరినీ షాక్ కి గురి చేసింది. మేము మా కళ్ళతో చూస్తున్న అమ్మాయి సాయి పల్లవి యేనా?, అసలు నమ్మలేకపోతున్నాము , ఎలా ఉండే అమ్మాయి ఎలా అయిపోయింది అంటూ సోషల్ మీడియా లో కామెంట్స్ చేస్తున్నారు. బాలీవుడ్ లో అవకాశాల కోసం , చివరికి సాయి పల్లవి కూడా ఇలాంటి దారిని ఎంచుకుంటుందని కలలో కూడా ఊహించలేదంటూ ఆమె అబ్జిమానులు కామెంట్స్ చేస్తున్నారు.
రీసెంట్ గానే ఆమె బాలీవుడ్ లో అమీర్ ఖాన్ కొడుకు జునైద్ ఖాన్ హీరో గా నటించిన ‘ఏక్ దిన్ ‘ అనే చిత్రం మే 1న ప్రపంచవ్యాప్తంగా గ్రాండ్ గా విడుదలైంది. ఈ సినిమాకు మొదటి ఆట నుండే డివైడ్ టాక్ రావడంతో ఓపెనింగ్స్ కూడా చాలా తక్కువగా వచ్చాయి. ట్రేడ్ పండితులు అందిస్తున్న సమాచారం ప్రకారం ఈ చిత్రానికి మొదటి రోజున ఇండియా వైడ్ గా 2 కోట్ల 35 లక్షల రూపాయిల నెట్ వసూళ్లు వచ్చాయి. తెలుగు లో కూడా ఈ చిత్రం ‘ఒక రోజు’ అనే పేరుతో విడుదలైంది కానీ, ఆడియన్స్ నుండి ఎలాంటి స్పందన రాలేదు. దీంతో సాయి పల్లవి బాలీవుడ్ లో మొదటి సినిమాతోనే ఫ్లాప్ ని అందుకుంది అంటూ సోషల్ మీడియా లో నెటిజెన్స్ కామెంట్స్ చేస్తున్నారు.
