RRR : గత ఏడాది విడుదలైన #RRR మూవీ ఎంత పెద్ద సెన్సషనల్ బ్లాక్ బస్టర్ హిట్ అయ్యిందో అందరికీ తెలిసిందే.బాక్స్ ఆఫీస్ పరంగా వండర్స్ సృష్టించిన ఈ చిత్రం, హాలీవుడ్ సినిమాలను సైతం డామినేట్ చేసి ఆస్కార్ అవార్డు గెలుచుకున్న ఈ చిత్రం లో పని చేసిన ప్రతీ ఒక్కరికి మంచి గుర్తింపు దక్కించుకున్నారు. ముఖ్యంగా స్కాట్ దొరగా నటించిన ‘రేయ్ స్టీవెన్ సన్’ అనే హాలీవుడ్ నటుడిని అంత తేలికగా ఎలా మర్చిపోగలమా.స్కాట్ దోరగా ఆయన పండించిన విలనిజం మామూలుది కాదు.
హాలీవుడ్ లో ఈయన ఎన్నో సినిమాల్లో క్యారక్టర్ ఆర్టిస్టుగా , హీరో గా చేసి మంచి గుర్తింపు దక్కించుకున్నాడు. అలాంటి నటుడు ఈరోజు మన మధ్య లేరు, హాలీవుడ్ లో ఒక సినిమా షూటింగ్ లో ఉండగా ఆయన అకస్మాత్తుగా అపస్మారక స్థితిలో స్పృహ తప్పి క్రింద పడిపోయాడట.వెంటనే హాస్పిటల్ కి తీసుకెళ్లగా, ఆయన మరణించాడని వార్త వచ్చింది.
హాలీవుడ్ లో ఎన్నో సంచలనాత్మక చిత్రాలలో నటించిన రేయ్ స్టీవెన్ సన్ ‘థోర్’ అనే హాలీవుడ్ దబ్ సినిమా ద్వారా మన అందరికీ పరిచయమే. ఈ సినిమాతో పాటుగా ‘కింగ్ అర్థుర్’ , ‘పనిషర్ : ది వార్ జోన్’ వంటి బ్లాక్ బస్టర్ హిట్ చిత్రాల్లో నటించాడు. ఇప్పుడు ఆయన ముఖ్య పాత్ర పోషించిన ‘అశోక’ చిత్రం విడుదలకు సిద్ధం గా ఉన్నది.
రేయ్ స్టీవెన్ సన్ 1964 వ సంవత్సరం లో జన్మించాడు. ఎంతో హుషారుగా రిస్కీ స్తంట్స్న చేసే అలవాటు ఉన్న రేయ్ స్టీవెన్ సన్ కి ఇలా జరగడం దురదృష్టకరం. ఈ సందర్భంగా సోషల్ మీడియా మొత్తం #RRR మూవీ అభిమానులు మరియు ప్రేక్షకులకు స్టీవెన్ సన్ మృతి పై దిగ్బ్రాంతి ని వ్యక్తపరిచారు.ఆయన ఆత్మ ఎక్కడున్నా శాంతిని కోరుకోవాలని మనస్ఫూర్తిగా ప్రార్థనలు చేస్తున్నారు.
