కరోనా వైరస్ కారణంగా చిత్ర పరిశ్రమ ఎన్నో ఇబ్బందులు ఎదుర్కొంటోంది. షూటింగ్ లు డిలే అవుతున్నాయి. చాలా సినిమాలు విడుదల తేదీలు మార్చు కొంటున్నాయి. పరిస్థితి చూస్తుంటే సినిమా షూటింగ్ లు ఇప్పట్లో మొదలయ్యేలా లేవు .మరో రెండు నెలలు ఆలస్యం అయ్యేలా వున్నాయి. దీంతో రాజమౌళి సంక్రాంతికి విడుదల చేస్తానని చెప్పిన ఆర్.ఆర్.ఆర్. (రౌద్రం రణం రుధిరం ) సినిమా రిలీజ్ లేట్ అవుతుందని కొందరు ఊహించారు. సినిమా విడుదల వచ్చే వేసవికి ఉండొచ్చు అనుకొన్నారు.
ఇలా ఎవరికి తోచిన విధంగా వారు ` ఆర్ ఆర్ ఆర్ ` సినిమా వాయిదా గురించి మాట్లాడు కొంటుంటే రాజమౌళి వాటిని పట్టించు కోకుండా సినిమా ప్రొమోషన్ మొదలు పెట్టాడు. తద్వారా తన సినిమా అనుకున్న సమయానికి వస్తుందనే సంకేతాలు పంపిస్తున్నాడు. ప్రస్తతం షూటింగ్ కి అంతరాయం రావడంతో గ్రాఫిక్స్ పనులు చేయించుకుంటున్నాడు. ఇప్పటికే 70 శాతం సినిమా పూర్తయింది ఆరు నూరయినా జనవరి 8న ” రౌద్రం రణం రుధిరం” విడుదల ఖాయమని తెలుస్తోంది .
