Revolt Of Bheem: టాలీవుడ్ టాప్ మోస్ట్ దర్శకుడు రాజమౌళి ప్రతిష్టాత్మకంగా తెరకెక్కిస్తోన్న సినిమా ఆర్ర్ఆర్ఆర్. దేశవ్యాప్తంగా ఈ సినిమా కోసం ఆసక్తిగా ఎదురుచూస్తున్నారు. రామ్చరణ్, తారక్ హీరోలుగా వస్తోన్న ఈ సినిమాను డివివి దానయ్య నిర్మించారు. ఇప్పటికే షూటింగ్ పూర్తి చేసుకున్న ఈ సినిమా.. జనవరి 7న ప్రేక్షకుల ముందుకు వచ్చేందుకు సిద్ధమైంది. ఈ క్రమంలోనే ప్రమోషన్స్ను భారీగా ప్లాన్ చేశారు రాజమౌళి. కాగా, ఇటీవలే విడుదలైన ట్రైలర్తో సినిమాపై అంచనాలు ఎక్కడికో వెళ్లిపోయాయి.
ఈ క్రమంలోనే ప్రమోషన్స్లో ఫుల్ జోరు పెంచారు రాజమౌళి. ఓ వైపు ప్రెస్మీట్లు, ఈవెంట్లతో ప్రేక్షకులను పలకరిస్తూనే… మరోవైపు సామాజిక మాధ్యమాల్లో సినిమా అప్డేట్లు ఇస్తూ మరింత హైప్ క్రియేట్ చేస్తున్నారు. ఇటీవలే మేకోవర్స్ పేరుతో రామ్, భీమ్లకు సంబంధించిన వీడియోలు చేయగా.. తాజాగా, రివోల్ట్ ఆఫ్ భీమ్ టైటిల్తో కొమురం భీమూడో సాంగ్ విడుదల చేసింది చిత్రబృందం. సుద్దాల అశోక్ తేజ ఈ పాటకు రచన అందించగా.. కాల భైవర ఆలపించారు. ఎంఎం కీరవాణి ఈ సినిమాకు స్వరాలు అందించారు.
లిరిక్స్ వింటుంటే.. కొమురం భీమ్ గొప్పతనాన్ని, అతని ఖ్యాతిని కళ్లకు కట్టినట్లు చూపిస్తున్నట్లు ఉంది. ఆయన చరిత్రతో పాటు.. దేశం కోసం ఆయన చేసిన పోరు పాటలో స్పష్టంగా కనిపిస్తున్నాయి. ఈ పాట కోసం సుద్దాల ప్రాణం పెట్టినట్లు క్లియర్ గా తెలుస్తోంది. గొండు జాతి కోసం భీమ్ చేసిన త్యాగాన్ని ఈ పాట ద్వారా గుర్తుచేశారు. చివర్లో పుడమి తల్లికి జన్మ.. మరణమిస్తివిరో అన్న లైన్ వింటుంటే.. భీమ్ యుద్ధంలో వీర మరణం పొందినట్లు తెలుస్తోంది. ప్రస్తుతం ఈ సాంగ్ నెట్టింట వైరల్ గా మారింది.
