కోలీవుడ్ లో పోస్ట్ ప్రొడక్షన్ కి ఒకే చెప్పిన ప్రభుత్వం

తమిళ సినీ పరిశ్రమకు తమిళ నాడు ప్రభుత్వం ఒక వెసులుబాటు కల్పించింది కోలీవుడ్ లో లాక్డౌన్ కారణంగా దాదాపు రూ.500 కోట్ల మేర పెట్టుబడులు సినిమా షూటింగ్ అనంతర కార్యక్రమాలు చేసుకొనే వీలులేక అర్ధాంతరంగా ఆగిపోయాయి . దాంతో పోస్టు ప్రొడక్షన్ పనులకు అనుమతించాలని కోరుతూ తమిళ నిర్మాతలు ప్రభుత్వానికి విజ్ఞప్తి చేసుకొన్నారు .దానికి స్పందించిన తమిళ నాడు ప్రభుత్వం ఇప్పటికే చిత్రీకరణ పూర్తి చేసుకున్న సినిమాలకు పోస్టు ప్రొడక్షన్ పనులు చేసుకునేందుకు అనుమతి ఇవ్వడం జరిగింది. ఆ క్రమంలో మే 11 నుంచి టీవీ, సినిమాలకు సంబంధించిన పోస్టు ప్రొడక్షన్ పనులు మొదలుకానున్నాయి .

మే 17తర్వాత రోడ్లపైకి బస్సులు..?

కాకపొతే కొన్ని షరతులు విధించడం జరిగింది. ఆ ప్రకారం గరిష్ఠంగా ఐదుగురితో “ఎడిటింగ్, డబ్బింగ్, డీఐ, రీ రికార్డింగ్ సౌండ్ డిజైన్ , మిక్సింగ్ ” పనులు చేసుకోవచ్చని, ” V F X , C G I ” పనుల కోసం గరిష్టంగా 15 మందిని ఉపయోగించుకోవచ్చని పరిమితులు విధించింది.అంతేగాక ప్రభుత్వ మార్గదర్శకాలు పాటించడం తప్పనిసరని, మాస్కులు ధరించడం, భౌతిక దూరం పాటించడం, చేతులు శుభ్రం చేసుకోవడం వంటి వాటిని విధిగా పాటించాలని ఆంక్షలు జారీచేసింది .