Manchi Rojulu Vachayi: సంతోష్ శోభన్, మెహ్రిన్ హీరో హీరోయిన్లుగా మారుతి దర్శకత్వంలో రానున్న చిత్రం ‘మంచి రోజులు వచ్చాయి’. అనూప్ రూబెన్స్ సంగీతం అందిస్తున్న ఈ సినిమాను దిపావళి కానుకగా ప్రేక్షకుల ముందుకు తీసుకురానుంది చిత్రబృందం. వి సెల్యులాయిడ్, ఎస్కేఎన్లు సంయుక్తంగా ఈ మూవీని నిర్మించారు. సినిమా విడుదల సందర్భంగా యంగ్ రెబల్స్టార్ ప్రభాస్ చిత్రయూనిట్కు ట్విట్టర్ వేదికగా విషెష్ తెలిపారు. ఈ క్రమంలోనే ఐకాన్స్టార్ అల్లు అర్జున్ కూడా స్పెషల్గా ఆల్దిబెస్ట్ చెప్పారు.
మారుతి తన బెస్ట్ ఫ్రెండ్ అని అల్లు అర్జున్ అన్నారు. చిత్ర నిర్మాతలకు మంచిరోజులొచ్చాయని, చిత్రయూనిట్ సభ్యులందరికీ ఆల్దిబెస్ట్ అంటూ చెప్పుకొచ్చారు. మరోవైపు, మంచి రోజులొచ్చాయి సినిమా నవంబరు 4న థియేటర్లలోకి రానుందని తెలిపిన ప్రభాస్.. సంతోష్, మారుతిలకు బెస్ట్ విషెస్ అని పేర్కొన్నారు. వెన్నెల కిషోర్, సప్తగిరి, వైవా హర్ష, శ్రీనివాస రెడ్డి, సుదర్శన్, అజయ్ ఘోష్, ప్రవీణ్ తదితరులు ఈ సినిమాలో కీలక పాత్ర పోషిస్తున్నారు.
మరోవైపు, సలార్, రాధేశ్యామ్, ఆదిపురుష్ చిత్రాలతో బిజీగా ఉన్న ప్రభాస్.. ఇటీవలే ఆయన పుట్టిన రోజు సందర్భంగా ఆయా సినిమాలకు సంబంధించిన టీజర్స్, ప్రోమో, పోస్టర్లతో అభిమానుల్లో ఉత్సాహాన్ని నింపారు. మరోవైపు క్రియేటివ్ డైరెక్టర్ సుకుమార్తో కలిసి అల్లు అర్జున్ పుష్ప సినిమా తీస్తున్న సంగతి తెలిసిందే. ఎర్రచందనం స్మగ్లర్గా కొత్త క్యారెక్టర్లో కనిపించనున్న బన్నీ.. ఈ సినిమా కోసం తన ఆహార్యాన్నే మార్చుకున్నారు. ఇటీవలే ఈ సినిమా నుంచి విడుదలైన శ్రీవల్లి సాంగ్ నెట్టింట్లో సందడి చేస్తోంది. మరి ప్రభాస్, బన్నీలు విజయం సాధిస్తారో లేదో తెలియాలంటే సినిమా విడుదల వరకు వేచి చూడాల్సిందే.
