Peddi 12 Days Collections: గ్లోబల్ స్టార్ రామ్ చరణ్ నటించిన లేటెస్ట్ చిత్రం ‘పెద్ది’ బాక్స్ ఆఫీస్ జోరు, 12 రోజులు దాటినప్పటికీ కూడా ఏ మాత్రం తగ్గలేదు. వర్కింగ్ డేస్ లో ఈ చిత్రానికి వస్తున్నంత లాంగ్ రన్ , ఈమధ్య కలం లో ఏ స్టార్ హీరో సినిమాకు కూడా రాలేదు అనడంలో ఎలాంటి అతిశయోక్తి లేదు. ట్రేడ్ విశ్లేషకులు అందిస్తున్న లెక్కల ప్రకారం చూస్తే , ఈ చిత్రానికి 2వ సోమవారం, అనగా 12 వ రోజున దాదాపుగా 1 కోటి 50 లక్షల రూపాయిల షేర్ వసూళ్లు తెలుగు రాష్ట్రాల నుండి వచ్చిందని అంటున్నారు. ఇది సాధారమైన విషయం కాదు. ఈ రేంజ్ రన్ ఉన్నప్పటికీ కూడా ఈ చిత్రానికి రాయలసీమ , నెల్లూరు జిల్లాల్లో నష్టాలు తప్పేలా లేవని లేటెస్ట్ గా వినిపిస్తున్న మాట.
రాయలసీమ ప్రాంతం లో ఈ చిత్రానికి విడుదలకు ముందు 24 కోట్ల రూపాయిల ప్రీ రిలీజ్ థియేట్రికల్ బిజినెస్ జరిగింది. 12 రోజుల్లో 20 కోట్ల రూపాయిల షేర్ వసూళ్లు వచ్చాయి. బ్రేక్ ఈవెన్ మార్కుని అందుకోవాలంటే మరో 4 కోట్లు రావాలి , ప్రస్తుతం ఉన్న పరిస్థితి లో అయితే మరో రెండు కోట్ల రూపాయిల షేర్ వసూళ్లు మాత్రమే వచ్చే సూచనలు కనిపిస్తున్నాయి. కాబట్టి ఈ ప్రాంతం లో బ్రేక్ ఈవెన్ కష్టమే. ఇక నెల్లూరు జిల్లా విషయానికి వస్తే విడుదలకు ముందు ఈ చిత్రానికి 6 కోట్ల 30 లక్షల రూపాయిల రేంజ్ లో ప్రీ రిలీజ్ బిజినెస్ జరిగింది. ఇప్పటి వరకు 5 కోట్ల 50 లక్షల రూపాయిల షేర్ వసూళ్లు మాత్రమే వచ్చాయి, బ్రేక్ ఈవెన్ అవ్వాలంటే మరో 80 లక్షల షేర్ రావాలి , ప్రస్తుత ట్రెండ్ ప్రకారం చూస్తే మరో 50 లక్షలు మాత్రమే వచ్చేలా కనిపిస్తోంది.
ఇక మిగిలిన జిల్లాల్లో ఈ చిత్రం బ్రేక్ ఈవెన్ మార్కుని అందుకొని లాభాల్లోకి అడుగుపెట్టింది. నైజాం ప్రాంతం లో ఇప్పటి వరకు ఈ చిత్రానికి 51 కోట్ల 88 లక్షల రూపాయిల షేర్ వసూళ్లు వచ్చాయి. ఉత్తరాంధ్ర ప్రాంతం నుండి 21 కోట్ల 53 లక్షలు రాగా , ఈస్ట్ గోదావరి నుండి 12 కోట్ల 18 లక్షలు , వెస్ట్ గోదావరి నుండి 8 కోట్ల 63 లక్షలు , గుంటూరు నుండి 12 కోట్ల 12 లక్షలు , కృష్ణ నుండి 9 కోట్ల 72 లక్షలు , నెల్లూరు నుండి 5 కోట్ల 53 లక్షల రూపాయిల షేర్ వసూళ్లు వచ్చాయి. ఓవరాల్ గా తెలుగు రాష్ట్రాల నుండి ఈ చిత్రానికి 141 కోట్ల 59 లక్షల రూపాయిల షేర్ వసూళ్లు , 213 కోట్ల 70 లక్షల రూపాయిల గ్రాస్ వసూళ్లు వచ్చాయి. ఓవరాల్ వరల్డ్ వైడ్ గా 322 కోట్ల 25 లక్షల రూపాయిల గ్రాస్ వసూళ్లు , 192 కోట్ల రూపాయిల షేర్ వసూళ్లు వచ్చాయి.
