Ram Charan Fan Letter: గ్లోబల్ స్టార్ రామ్ చరణ్ అభిమానులు ‘పెద్ది’ మూవీ టీం పై తీవ్రమైన అసహనం తో ఉన్నారు. వాళ్ళ మీద కోపం తో ఏమి చెయ్యాలో తెలియక సోషల్ మీడియా లో రామ్ చరణ్ ని ట్యాగ్ చేస్తూ , తమ ఫ్రస్ట్రేషన్ ని తీర్చుకుంటున్నారు. మార్కెట్ లో మంచి క్రేజ్ ఉన్నటువంటి పెద్ది చిత్రానికి పాన్ ఇండియా లెవెల్ లో మార్కెటింగ్ చేయడం లో మూవీ టీం తీవ్రంగా విఫలం అయ్యిందని, సినిమా విడుదల తేదీ దగ్గర పడుతుంటే , ఇప్పటి వరకు కనీసం ప్రమోషనల్ కార్యక్రమాలను కూడా మొదలు పెట్టలేకపోతున్నారని, మొదట్లో ఈ చిత్రం పై ఏర్పడిన హైప్ ఇప్పుడు లేదని, బాగా తగ్గిపోయిందని , మళ్లీ బజ్ తీసుకొచ్చే ప్రయత్నం చేయడం లేదని రామ్ చరణ్ ఫ్యాన్స్ ఆవేదన వ్యక్తం చేస్తున్నారు. అంతే కాదు ఓవర్సీస్ లో అడ్వాన్స్ బుకింగ్స్ బలహీనంగా ఉండడం రామ్ చరణ్ అభిమానులను తీవ్రమైన నిరాశకు గురి చేస్తోంది.
ఎందుకంటే ఈ చిత్రం ‘ఓజీ’, ‘దేవర’, ‘కల్కి’ ‘పుష్ప 2’ తరహా లో నార్త్ అమెరికా నుండి సెన్సేషనల్ అడ్వాన్స్ బుకింగ్స్ ని నమోదు చేసుకుంటుందని అనుకున్నారు. ఎందుకంటే ఈ చిత్రం అలాంటి హైప్ ఉన్న కంటెంట్ సినిమాల జాబితాలోనిదే కాబట్టి. కానీ బుకింగ్స్ ట్రెండ్ చూస్తుంటే అలా లేదని , కనీసం రెండు మిలియన్ డాలర్ల గ్రాస్ వసూళ్లను అయినా ఈ చిత్రం రాబడుతుందో లేదో అని అభిమానులు కంగారు పడుతున్నారు. ఈ నేపథ్యం లో ఒక రామ్ చరణ్ అభిమాని మూవీ టీం ని ట్యాగ్ చేస్తూ సోషల్ మీడియా లో అప్లోడ్ చేసిన ఒక ఆత్మహత్య లేఖ ఇప్పుడు సంచలనం గా మారింది. ఇది కచ్చితంగా తెలివి తక్కువ చర్య , ఇలా చేయడం చాలా తప్పు , కానీ వాళ్ళ ఆవేదన ని మీ ముందుకు తీసుకొచ్చే ప్రయత్నం చేస్తున్నాం.
ఆ అభిమాని మాట్లాడుతూ ‘మన సినిమా విడుదలకు సరిగ్గా 20 రోజుల సమయం ఉంది. కానీ ఇప్పటి వరకు ప్రమోషన్స్ మొదలు పెట్టలేదు, ఒక ప్లానింగ్ లేదు , షెడ్యూల్ లేదు. ఇప్పటికే మేము ఈ విషయంలో ‘గేమ్ చేంజర్’ నిర్మాతల అలసత్వానికి విసిగిపోయాము. కనీసం మీరైనా మా ఫ్యాన్స్ బాధని అర్థం చేసుకోండి. మీరు ఇంకా ప్రొమోషన్స్ షెడ్యూల్ ని విడుదల చేయకపోతే నేను ఫ్యాన్ కి ఉరి వేసుకొని చనిపోతాను, మా జీవితం లో ఉండే బాధలకన్నా , మీరు పెట్టే మెంటల్ టార్చర్ ఎక్కువగా ఉంది’ అంటూ ఒక లేఖని అప్లోడ్ చేసాడు రామ్ చరణ్ అభిమాని.
